Bakıda bu evlərin aylıq kirayəsi
10-07-2024, 15:18
Bakının Nardaran qəsəbəsində 3 mərtəbəli, 7 otaqlı, 520 kvadratmetr sahəsi olan villa icarəyə verilir və bu evin aylıq icarə haqqı 35 min manata bərabərdir.
Yeniavaz.com xəbər verir ki, belə bir elan daşınmaz əmlakın alıq-satqısı və kirayəsi üzrə ixtisaslaşmış aparaıcı saytlardan birində yerləşdirilib.
Qeyd edək ki, sayta aylıq icarə haqqı 20 min manatdan yuxarı olan onlarla evin elanı yerləşdirilib.
Nardaran qəsəbəsində sahəsi 300 kvadratmetr olan 4 otaqlı ev 30 min manata, Bilgəh qəsəbəsində sahəsi 575 kvadratmetr olan 6 otaqlı ev 27 min manata, Şüvələn qəsəbəsində sahəsi 600 kvadratmetr olan 6 otaqlı ev 20 min manata kirayəyə verilir.
Bunlardan başqa Bakının mərkəzi rayonlarında da aylıq icarə haqqı yüksək olan evlər icarəyə verilir. Paytaxtın Məmməd Araz küçəsində sahəsi 1200 kvadratmetr olan 15 otaqlı, 5 mərtəbəli villanın aylıq icarə haqqı 20 min manat təşkil edir.
Geri qayıt