“Araz Supermarket”ə yeni direktor təyin edilib
18-04-2024, 10:09
Veysəloğlu Şirkətlər Qrupuna daxil olan “Araz” supermarketlər şəbəkəsinə yeni maliyyə direktoru təyin edilib.
Banker.az-ın məlumatına görə, bu vəzifəyə Əminə Bəşirova gətirilib.
2024-cü ilin aprel ayının 17-də “Araz Supermarket” MMC-nin Maliyyə Direktorluğunda “Maliyyə Direktoru” vəzifəsinə təyin olunub.
Əminə Bəşirova, 2004 -cü ildə Azərbaycan Neft və Sənaye Universitetinin Beynəlxalq İqtisadi Münasibətlər fakultəsini bitirmişdir. Magistr təhsilini Bakı Ali Neft Məktəbində Biznesin İdarə olunması (MBA) üzrə almışdır.
2005-ci ildən Veysəloğlu MMC-də mühasib olaraq işə başlamış və həmin şirkətin baş mühasib vəzifəsinə qədər yüksəlmişdir.
Veysəloğlu Şirkətlər Qrupunda Mühasibat uçotu Departamentinin müdiri və Biznesə Nəzarət Departamentinin rəhbəri olmuşdur. Daha sonra “Araz Supermarket” MMC-də Spar Françayzinq Maliyyə müdiri vəzifəsində çalışmışdır.
Geri qayıt