Keçmiş deputat Faiq Baxşəliyev dünyasını dəyişib
2-01-2014, 13:14
Azərbaycan parlamentinin sabiq deputatı, milli azadlıq hərəkatının fəallarından Faiq Baxşəliyev vəfat edib.
APA-nın xəbərinə görə, şəkərli diabetdən və ürək xəstəliyindən əziyyət çəkən F.Baxşəliyev dekabrın 31-də Mingəçevirdəki evində dünyasını dəyişib.
Qeyd edək ki, F.Baxşəliyev 1990-1995-ci illərdə Milli Məclisin deputatı olub. O, Azərbaycanın dövlət müstəqilliyinin bərpası haqqında Konstitusiya Aktına səs verən millət vəkillərindən olub. 1992-1995-ci illərdə Mingəçevirin və Ağdaşın icra başçısı vəzifələrində çalışıb.
Mərhum doğulduğu Ağdaş rayonunun Kotavan kəndində dəfn edilib.
Geri qayıt