“İqtisadi baxımdan TRIPP layihəsinin tətbiqi Ermənistanda çoxsaylı biznes imkanları yaradacaq”.

“Cebheinfo.az” xəbər verir ki, bunu Ermənistan Təhlükəsizlik Şurasının katibi Armen Qriqoryan Dohada keçirilən 23-cü Forumda panel müzakirəsi zamanı bildirib:

"Regiondakı bir çox mal və xidmət axını Ermənistandan keçəcək. Əminik ki, bu, daha ucuz olacaq, Ermənistan vasitəsilə mal və xidmət daşımaqda maraqlı olan bizneslər üçün daha çox imkanlar yaradacaq. Bu, çox müsbət təsir göstərəcək. Biz hələ də regional əlaqələri açmağa hazır deyilik, amma çox vacib, müsbət inkişaf artıq baş verib”.

O, Azərbaycanın Ermənistana daxil olan malların hərəkətinə qoyulan qadağanı ləğv etməsini misal gətirib:

"Ermənistan da bildirib ki, ərazimiz Azərbaycan üçün malların daşınmasında istifadə edilə bilər. Bu, bir çox iqtisadi imkanlar yaradacaq və regional blokada qaldırıldıqdan sonra Ermənistan və Azərbaycanda malların daha da ucuzlaşacağı aydındır. Son üç-dörd il ərzində Ermənistanda adambaşına düşən ÜDM-i ikiqat artırdıq.

Əminik ki, blokada aradan qaldırılarsa, daha çox imkanlar yaranacaq. Ermənistan cəmiyyətinə daha çox fayda verəcəyik. Yəni ən vacib fayda sülhdür.

Əminəm ki, sülh həm bizə, həm Azərbaycana, həm də regiondakı bütün digər ölkələrə fayda verəcək. Biz iqtisadiyyata, mədəniyyətə və digər imkanlara daha çox investisiya qoyacağıq”.

Çünki adətən münaqişə olanda təhlükəsizliyə daha çox investisiya qoymalısınız, lakin münaqişə az olanda və ya sülh olanda, iqtisadi imkanlara, sosial inkişafa, elmə və digər sahələrə daha çox investisiya qoyur və yaxşı nəticələr əldə edirsiniz”, - deyə Armen Qriqoryan vurğulayıb.