В«Bank of BakuВ» ətrafında yeni gərginlik - Elçin İsayevi hər an həbs təhlükəsi gözləyir
14-03-2014, 14:07
DİA.AZ: - Bir neçə gün əvvəl В«Bank of BakuВ»nun müşahidə şurasının sədri Elçin İsayevin həbsilə müşayiət olunan bir əməliyyatın keçirilmə xəbəri yayıldı. Xəbərdə qeyd olunurdu ki, Milli Təhlükəsizlik Nazirliyi В«Bank of BakuВ»da əməliyyat keçirib və bu zaman müşahidə şurasının sədri də həbs olunub.
Lakin sonradan Elçin İsayev mətbuata açıqlama verərək həbs olunmadığını bildirdi. Amma əməliyyatın keçirildiyi barədə müəmmalar ortada qaldı. Və günü bu gün də faktiki olaraq bu olayla bağlı hər hansı rəsmi izahat mövcud deyil ki, bu da şübhələrin artmasına gətirib çıxarıb.
Xatırladaq ki, В«Bank of BakuВ»nun İranın xüsusi xidmət orqanları ilə əlaqədə olması və bu əlaqələr nəticəsində hər ay İranın gizli dairələrinə aid 5 milyon dolların В«Bank of BakuВ»da yuyulması haqda iddialar illərdir ki, var. Və bu barədə ABŞ-ın Azərbaycandakı keçmiş səfiri xanım Enn Dörsinin ABŞ Dövlət Departamentinə ünvanladığı məxfi qrifli sənədlərdə də ciddi informasiyalar yer almışdı.
Amma buna rəğmən В«Bank of BakuВ» hələ də fəaliyyətdədir. Və hətta son olay zamanı da В«kəfəni yırtmağaВ» müvəffəq olub. Bu barədə DİA.AZ-a hökumət içindəki mötəbər mənbə xəbər verib. Qaynaq iddia edir ki, əslində Elçin İsayev həbs olunsa da, sonradan kənar müdaxilələr onun azadlığa buraxılması ilə nəticələnib.
Mənbə bildirir: В«Amma vəziyyət yenə də kritikdir və Elçin İsayev üçün həbs təhlükəsi hələ də qüvvədədirВ».
Mənbənin iddialarına görə, В«Bank of BakuВ»ya qarşı böyük həcmdə yeyinti ittihamı var. Və bu ittihamın arxasında isə əsasən Azərbaycanın xüsusi xidmət orqanlarının İran xəfiyyəsi üçün vacib maliyyə qaynağı hesab olunan bir nöqtəni zərərsizləşdirmək niyyətinin dayandığı aşkar surətdə his olunandır.
Bütün maraqlı tərəfləri dinləməyə hazırıq.
Geri qayıt