“Ərazimizdə erməni silahlısı varsa, o terrorçudur...”
29-12-2020, 08:51
“Müharibə noyabrın 10-da dayandırılıb. Əsir müharibədə olur. Müharibə dayandırılandan sonra Azərbaycana ərazisində erməni silahlısı varsa o terrorçudur, cinayətkardır. Terrorçular ya məhv edilməli, ya da tutulub Azərbaycan qanunları ilə mühakimə edilərək həbs olunmalıdır”.
“Yeni Sabah” xəbər verir ki, bunu Demokratiya və Rifah Hərəkatının sədri Qubad İbadoğlu deyib.
O, bildirib ki, tutulanlar əsir adı ilə ermənilərə qaytarılmalı deyil, bu kökündən yalnış yanaşmadır: “Əsirlər müharibədə olur və müharibədə əsir düşənlər dəyişdirilir. Odur ki, 10 noyabrdan sonra Qarabağda tutulan silahlı ermənilərə əsir deməyin, cinayətkar deyin, onlar geri qaytarılmalı deyil, Azərbaycan qanunlarını pozduğuna görə həbs edilib, cəzalandırılmalıdır.
Geri qaytarılanlar, sonradan silahlanıb, üstümüzə gəlirlər. Onların qondarma məhkəməsi necə ki, Dilqəmi və Şahbazı həbs etmişdi, bizim məhkəmə də də onlara cəza verməlidir”.
Geri qayıt