İnam Kərimovun ictimaiyyətdən gizlədilən səfəri və 16 layihə...
30-04-2019, 12:04
Azərbaycanın Kənd Təsərrüfatı naziri İnam Kərimov Türkiyənin İzmir şəhərində keçirilən BMT-nin Qida və Əkinçilik Təşkilatı (FAO) ilə alimlər tərəfindən hazırlanmış “Türkiyədə biyoçeşitlilik” kitabının təqdimatında iştirak edib.
Cənab nazirin həmin səfəri tam məxfi gerçəkləşdirməsi və bu ziyarət barədə məlumatların ölkə ictimaiyyətindən gizlədilməsi təəccüb doğurmaya bilməzdi. Lakin nazir Kərimovun həmin təqdimatdakı çıxışın ilə tanış olduqdan sonra belə qənaətə gəldik ki, məhz həmin çıxışda səsləndirilən fikirlərə görə diqqətin qeyd olunan səfərə çəkilməsi istənilməyib.
Bəs İnam Kərimov kitab təqdimatında nə deyib? Bu barədə Türkiyə mətbuatı yazır:
“Azərbaycanın Kənd Təsərrüfatı naziri İnam Kərimov da Türkiyənin dəstəyi ilə Azərbaycanda orqanik əkinçilik və balıqçılıq da daxil olmaqla 16 layihəni həyata keçirdiklərini söylədi”.
“Keyfiyyətli ərzaq tədricən azaldır, təbiətə zərər vermədən araşdırmalar aparılmalıdır”, söyləyən Kərimov, “Zəngin ekosistemdən faydalanmalı və torpağa vuurlan zərəri azaltmalıyıq. Əsas hədəflərimizdən biri təbiətin bizə verdiyi qaynaqlardan faydalı şəkildə istifadə edərək qida təhlükəsizliyini təmin etməkdir”, deyib. ( Mənbə: https://www.bloomberght.com/bakan-pakdemirli-tarim-topraklarimiz-avrupa-nin-en-az-kirletilmis-topraklari-arasindadir-2215291 )
Sual olunur: qardaş respublika ilə balıqçılıq da daxil olmaqla orqanik qida yetişdirilməsi üçün 16 layihə həyata keçirilirsə, yaxud keçiriləcəksə, bu işlərdən ölkə ictimaiyyəti xəbər tutmalı deyilmi? Niyə bi layihələr barədə mediaya məlumat verilmir?
Bu yazı hazırlanan zaman Nazirliyin rəsmi veb-səhifəsini də ələk-vələk etdik ki, bəlkə sözügedən layihələr barədə hər hansı bir məlumata rast gələk, təəssüf ki, heç nə tapmadıq.
Bu layiələrdə konkret olaraq hansı məhsulların və harada yetişdirilməsini nəzərdə tutulur? Nə qədər və kim tərəfindən investisiya qoyulur? Bu məhsulların hara və necə satılması planlaşdırılır?
Bu suallara Nazirlik aydınlıq gətirsə, pis olmaz. \\pia.az\\
Geri qayıt