Standartlaşdırma, Metrologiya və Patent üzrə Dövlət Komitəsi yerli istehsala mane olur
24-09-2016, 10:26
Ölkə başçısının daxili siyasətinə dəstək olaraq yeni iş yerlərinin yaradılması və yerli məhsulların genişləndirilməsi məqsədilə 2002-ci ildə təsis edilən, əvvəlki adı В«BİRLİKВ» Məhdud Məsuliyyətli Cəmiyyət olan В«NKM CompanyВ» MMC bu gün Ramiz Həsənovun sədri olduğu Standartlaşdırma, Metrologiya və Patent üzrə Dövlət Komitəsi (SMPDK) tərəfindən haqsız təzyiqlərə, qərəzli münasibətə məruz qalır. Belə ki, mövzu ilə bağlı Gundelik-Baku.com-un əldə etdiyi bilgilərdə deyilir ki, SMPDK adıçəkilən şirkətin normal fəaliyyət göstərməsinə mane olmaqla bir növ ölkədə sahibkarlığın inkişafı ilə bağlı görülən tədbirləri, dövlət islaatlarını əngəlləyir. В«NKM CompanyВ» MMC-nin əmtəə nişanının ləğv edilməsi üçün heç bir tutarlı səbəb, yetərli fakt və sənəd-sübutlar yoxdur Xatırlayırsınızsa, ötən saylarımızın birində bununla bağlı məlumat verərkən qeyd etmişdik ki, Standartlaşdırma, Metrologiya və Patent üzrə Dövlət Komitəsinin Apellyasiya Şurası dünya standartlarına uyğun geniş çeşiddə və müxtəlif ölçüdə 450/750V PVC izolə olunmuş quraşdırma (montaj) kabelləri, 300/500V PVC izolə olunmuş quraşdırma (montaj) kabelləri, 0,6/1kv izolə olunmuş alçaq gərginlikli kabellərin istehsalı ilə məşğul olan В«NKM CompanyВ» MMC-nin ətməə nişanını ləğv etməyə çalışır. Halbuki həmin ətməə nişanı məhz SMPDK tərəfindən verilib. Belə ki, Standartlaşdırma, Metrologiya və Patent üzrə Dövlət Komitəsinin baş direktoru Ramiz Həsənovun və qurumun patent şöbəsinin müdiri M.M.Seyidovun, həmçinin dövlət reyestri sektorunun müdiri E.O.Məmmədovanın imzası ilə 2008-ci ilin 7 oktyabr tarixində əvvəlki adı В«BİRLİKВ» Məhdud Məsuliyyətli Cəmiyyət olan В«NKM CompanyВ» MMC-yə müvafiq əmtəə nişanı verilib. Həmin sənədə əsasən 10 il müddətinə, yəni 2018-ci ilin 7 oktyabr tarixin qədər olan dövr üçün В«Ünal KabloВ» əmtəə nişanı alınıb. Yəni əmtəə nişanı 09-cu sinif – kabel, 35-ci sinif – reklam, biznes sahəsində menecment (malların satışı üzrə xidmətlər), 39-cu sinif – malların qablaşdırılması və anbarda saxlanılması xidmətləri üçün qeydiyyata alınıb. Həmçinin N2008 1397 nömrəli sözügedən sənəddə qeyd olunur ki, əmtəə nişanında В«KabloВ» sözü müstəqil hüquqi mühafizə obyekti deyil. Lakin buna baxmayaraq, Ortaköy Sanayi Bulvarı, 7. Sokak No:1, Ortaköy, Silivri İstanbul (Türkiyə) ünvanında qeydiyyatda olan В«Ünal Kablo Sanayi ve Ticaret LimitedВ» şirkəti 13 aprel 2016-cı il tarixdə Standartlaşdırma, Metrologiya və Patent üzrə Dövlət Komitəsinin Apellyasiya Şurasının sədrinə ünvanladığı iddia ərizəsində adıçəkilən qurum tərəfindən əvvəlki adı В«BİRLİKВ» Məhdud Məsuliyyətli Cəmiyyət olan, lakin 15 aprel 2013-cü il tarixdə adı В«NKM CompanyВ» MMC-yə verilən N2008 1397 nömrəli sənədin, yəni Azərbaycanda В«BİRLİKВ» MMC-nin adına qeydiyyata alınmış В«Ünal KabloВ» əmtəə nişanının qeydiyyatına vaxtından əvvəl xitam verilməsini xahiş edib. Məsələnin maraqlı tərəfi ondadır ki, Standartlaşdırma, Metrologiya və Patent üzrə Dövlət Komitəsinin Apellyasiya Şurasının 24.08.2016-cı il tarixli qərarı ilə adıçəkilən qurumun özü tərəfindən MMC-yə verilmiş əmtəə nişanı ləğv edilib. Nəzərinizə çatdıraq ki, bununla bağlı məlumat В«NKM CompanyВ» MMC-yə təxminən, bir ay sonra, daha dəqiq desək, 15.09.2016-cı il tarixdə verilib. Bu isə şirkət rəhbərliyi tərəfindən qanunazidd addım kimi dəyərləndirilir. Çünki məhz Standartlaşdırma, Metrologiya və Patent üzrə Dövlət Komitəsinin AZS Milli Sertifikatlaşdırma sistemi ilə В«Uyğunluq SertifikatıВ»na və TSE sertifikatına layiq görülən В«NKM CompanyВ» MMC-nin əmtəə nişanının ləğv edilməsi üçün heç bir tutarlı səbəb, yetərli fakt və sənəd-sübutlar yoxdur. MMC əmtəə bazarına daha keyfiyyətli, o cümlədən xaricdə istehsal olunan mallara nisbətən daha ucuz qiymətə məhsullar təqdim edir Yeri gəlmişkən məlumat üçün nəzərinizə çatdıraq ki, В«NKM CompanyВ» MMC Azərbaycan Respublikasının qanunlarına müvafiq olaraq Vergilər Nazirliyinin 2 saylı Ərazi Vergilər İdarəsindən qeydiyyatdan keçərək vergi ödəyicisi, o cümlədən ƏDV ödəyicisi kimi fəaliyyət göstərir. Ölkənin müxtəlif tikinti şirkətləri ilə müvafiq müqavilələrə əsasən istehsal etdiyi məhsulları satışa çıxarıb və qanunlara riayət edən bir müəssisə kimi tanınmaqdadır. Ümumiyyətlə, В«NKM CompanyВ» MMC bu illər ərzində əmtəə bazarına daha keyfiyyətli, o cümlədən xaricdə istehsal olunan mallara nisbətən daha ucuz qiymətə məhsullar təqdim edir, quraşdırılmasına və təhlükəsizliyinə zəmanət verir. Qeyd edək ki, yüksək keyfiyyəti özünə prinsip seçən В«NKM CompanyВ» MMC istehsal etdiyi malları daxili əmtəə bazarından başqa qonşu Gürcüstana da ixrac edir. Şirkət öz məhsullarının keyfiyyətinə zəmanət verir və nəzərə çatdırır ki, istehsaldan çıxmış hər bir kabel ayrı-ayrılıqda laboratoriya testi keçir və beynəlxalq standartlara uyğundur. MMC-nin istehsal etdiyi məhsullar ölkədə inşa edilən mühüm strateji və dövlət səviyyəli tikinti obyektlərində, habelə qapalı tipli idarələrin obyektlərində istifadə edilib və hazırda da edilməkdədir. В«Ünal Kablo Sanayi ve Ticaret LimitedВ» müxtəlif yollara baş vuraraq В«NKM CompanyВ» MMC-nin fəaliyyətinə xələl gətirmək istəyir Beləliklə, В«NKM CompanyВ» MMC 2008-ci ilin 7 oktyabr tarixində Standartlaşdırma, Metrologiya və Patent üzrə Dövlət Komitəsi tərəfindən verilən əmtəə nişanına əsasən В«Ünal KabloВ» adı altında istehsal etdiyi daha ucuz və daha keyfiyyətli məhsulların ölkə ərazisində tanıdılmasına nail olub. Lakin bütün baxmayaraq, Standartlaşdırma, Metrologiya və Patent üzrə Dövlət Komitəsi tərəfindən В«NKM CompanyВ» MMC-nin işinə maneçilik törədilir. Belə ki, Ramiz Həsənovun rəhbərlik etdiyi qurum В«Ünal Kablo Sanayi ve Ticaret LimitedВ» şirkətinin 13 aprel 2016-cı il tarixli iddia ərizəsinə əsasən В«NKM CompanyВ» MMC-yə məhz özü tərəfindən verilən əmtəə nişanını ləğv edib. Qeyd edək ki, В«Ünal Kablo Sanayi ve Ticaret LimitedВ» şirkəti həmin iddia ərizəsində bildirib ki, guya 2005-2015-ci illər ərzində Azərbaycana В«Ünal KabloВ» adı ilə məhsullar ixrac edib. Lakin Standartlaşdırma, Metrologiya və Patent üzrə Dövlət Komitəsinin Apellyasiya Şurasının bütün məhkəmə iclaslarında iddia ərizəsinə baxılaraq heç bir gömrük bəyannaməsi və ya qaimə-fakturalar təqdim edilməyib. Buna rəğmən, ümumi məlumatlar əsasında Standartlaşdırma, Metrologiya və Patent üzrə Dövlət Komitəsinin Apellyasiya Şurası 24 avqust 2016-cı il tarixli 160117201710 saylı qərarı ilə В«NKM CompanyВ» MMC-nin adına məhz Ramiz Həsənovun rəhbərlik etdiyi qurum tərəfindən verilmiş 20081397 nömrəli В«Ünal KabloВ» əmtəə nişanının qeydiyyatına vaxtından əvvəl xitam verib və onu etibarsız sayıb. Buradan da belə qənaətə gəlmək olar ki, faktiki olaraq Azərbaycan Respublikası ərazisində istehsala malik olmayan bir xarici şirkət – В«Ünal Kablo Sanayi ve Ticaret LimitedВ» müxtəlif yollara baş vuraraq, daha doğrusu Standartlaşdırma, Metrologiya və Patent üzrə Dövlət Komitəsinin Apellyasiya Şurası ilə В«dil taparaqВ» В«NKM CompanyВ» MMC-nin fəaliyyətinə xələl gətirmək istəyir və Beynəlxalq Paris Konvensiyasının maddələrini əsas tutaraq adıçəkilən MMC-nin fəaliyyət göstərməsini məhdudlaşdırır. Halbuki yerli şirkət olan В«NKM CompanyВ» MMC müxtəlif dövrlər ərzində orta hesabla 60 nəfər Azərbaycan vətəndaşını işə cəlb edib, onlara lazım olan əmək şəraiti yaradıb. Bir sözlə, sözügedən MMC-dən azı 60 ailə öz dolanışığını təmin edir. Ağaəli Səfərəliyevin rəhbərlik etdiyi В«Akfa ElektrikВ» MMC saxta mal istehsal edib В«Ünal KabloВ» adı altında məhsulların satışını təşkil edir Bu arada, Gundelik-Baku.com-un əldə etdiyi məlumatlarda həmçinin, o da qeyd olunur ki, son zamanlar В«Ünal KabloВ» əmtəə nişanı olmayan bəzi mini zavodlar bu ad altında qanunsuz istehsalla məşğul olaraq bazara çıxıblar. Bu isə o deməkdir ki, həmin В«müəssisələrВ» В«NKM CompanyВ» MMC-nin əmtəə nişanı altında malları uyğunlaşdıraraq satışla məşğuldurlar. Deyilənlərə görə, bu kimi В«istehsalçılarınВ» havadarları В«Ünal Kablo Sanayi ve Ticaret LimitedВ» şirkətinin В«təmsilçisiВ», Azərbaycan Respublikasının vətəndaşı Ağaəli Səfərəliyev və onun rəhbərlik etdiyi В«Akfa ElektrikВ» MMC-dir. Bildirilir ki, məhz bu MMC burada saxta mal istehsal edib Türkiyə В«Ünal KabloВ» adı altında məhsulların satışını təşkil edir. В«Ünal Kablo Sanayi ve Ticaret LimitedВ» şirkəti В«Akfa ElektrikВ» MMC-yə distributorluğu cəmin bir neçə saatlığına verib Məsələnin maraqlı tərəfi ondadır ki, Standartlaşdırma, Metrologiya və Patent üzrə Dövlət Komitəsi tərəfindən 20.02.2015-ci il tarixdə В«Akfa ElektrikВ» MMC-yə verilən uyğunluq sertifikatında istehsalçı kimi В«Ünal Kablo Sanayi ve Ticaret LimitedВ» şirkəti deyil, Malaziyanın В«Top Glove Sdn BhdВ» şirkəti göstərilib. Hələ bu, harasıdır. В«Ünal Kablo Sanayi ve Ticaret LimitedВ» şirkəti ilə Ağaəli Səfərəliyevin rəhbərlik etdiyi В«Akfa ElektrikВ» MMC arasında bağlanan distributorluq müqaviləsinə nəzər saldıqda orada çox ciddi qanun pozuntularına yol verildiyini müəyyənləşdirmək mümkündür. Məsələn, adıçəkilən müəssisələr arasında bağlanan müqavilənin etibarlılıq müddəti 30.04.2009-cu ildən elə 30.04.2009-cu ilədək qeyd olunub. Belə çıxır ki, В«Ünal Kablo Sanayi ve Ticaret LimitedВ» şirkəti В«Akfa ElektrikВ» MMC-yə distributorluğu cəmin bir neçə saatlığına verib. В«Ünal Kablo Sanayi ve Ticaret LimitedВ»in malları В«NKM CompanyВ» MMC-nin məhsullarına nisbətən xeyli baha başa gəlir Xülasə, bütün bunlar onu deməyə əsas verir ki, В«Ünal Kablo Sanayi ve Ticaret LimitedВ» şirkətinin mallarından daha ucuz və daha keyfiyyətli məhsullar istehsal edən В«NKM CompanyВ» MMC-nin əmtəə nişanı bəzi şəxslərin diqtəsindən sonra Standartlaşdırma, Metrologiya və Patent üzrə Dövlət Komitəsinin Apellyasiya Şurası tərəfindən ləğv edilib. Nəzərinizə çatdıraq ki, В«Ünal Kablo Sanayi ve Ticaret LimitedВ» məhsullarını xaricdə istehsal edir və elə bu səbəbdən də həmin şirkətin malları В«NKM CompanyВ» MMC-nin məhsullarına nisbətən xeyli baha başa gəlir. Məhz elə bu səbəbdən də Azərbaycan vətəndaşları daha ucuz və yüksək keyfiyyətli yeri məhsulu xarici maldan üstün tutur. Görünür, bu, В«Ünal Kablo Sanayi ve Ticaret LimitedВ»in maraqlarına cavab vermədiyindən şirkət bir sıra yollara baş vurmaqla В«NKM CompanyВ» MMC-nin əmtəə nişanının ləğv edilməsinə nail olub. Mövzu ilə bağlı kiçik araşdırma apardıqda bəlli olur ki, В«Ünal Kablo Sanayi ve Ticaret LimitedВ»in məhsulları daşınma, işçi, anbar saxlama və satıcı tutmaq, həmçinin yenidən Azərbaycan ərazisində eynilə bu prosedurların təkrarlanması baxımandan yerli şirkət olan В«NKM CompanyВ» MMC-nin məhsulları ilə müqayisədə qat-qat bahadır. Bütün bunlara rəğmən, Standartlaşdırma, Metrologiya və Patent üzrə Dövlət Komitəsinin Apellyasiya Şurası 24.08.2016-cı il tarixli qərarı ilə, yəni В«NKM CompanyВ» MMC-nin əmtəə nişanını ləğv etməklə bilavasitə yerli istehsala mane olduğunu, yerli sahibkarların normal şəkildə fəaliyyət göstərmələrinə imkan vermədiyini, o cümlədən komitə sədri Ramiz Həsənovun adıçəkilən MMC-yə əmtəə nişanı verməklə qanun pozuntusuna yol verdiyini təsdiqləmiş oldu. Mövzu ilə əlaqədar qarşı tərəfin də mövqeyini işıqlandırmağa hazırıq.
Geri qayıt