Almaniya 50 min Shrike FPV dronunun istehsalını maliyyələşdirəcək

Almaniya Ukraynanın Müdafiə Qüvvələri üçün 50 min Shrike FPV dronunun istehsalını maliyyələşdirəcək. "DİA-AZ" xəbər verir ki, bu barədə "Reuters" məlumat yayıb.

SkyFall və Auterion şirkətlərinin birgə müqaviləsinə əsasən, Ukraynanın SkyFall şirkəti Shrike FPV dronlarını istehsal edəcək. Bu dronlar Almaniyanın Auterion şirkətinin proqram təminatı və hədəfə son mərhələdə yönləndirmə modulları ilə təchiz olunacaq. Müqavilənin ümumi dəyəri təxminən 90 milyon avro təşkil edir.

Məhz Shrike 10 dronu tammiqyaslı işğalın başlanmasından bəri ilk dəfə olaraq Ukrayna hərbçilərinə havada ekipajı ilə birlikdə Rusiya ordusuna məxsus Mi-8 helikopterini məhv etməyə imkan verib.

Shrike 10F isə Pentaqonun Drone Dominance Program proqramının qalibi olub. O, mümkün 100 baldan 99,3 bal toplayaraq dünyanın bir çox aparıcı texnologiya şirkətlərinin təqdim etdiyi həlləri böyük fərqlə geridə qoyub.