Əyləci basılmış savaşda PAUZA REJİMİ

ABŞ və İsrailin yaxın vaxtlarda İrana hərbi zərbə endirəcəkləri ehtimalı çox yüksəkdir. Hazırda İranda gördüyümüz aksiyalar əslində 6 ay gecikib. Bu etirazlar iyunda başlamalı idi, onda "12 günlük müharibə" tamam başqa cür qurtaracaqdı.

Amma o zaman ABŞ və İsrail nəyisə düz hesablamadılar, xarici zərbələr daxili etiraz dalğası ilə tamamlanmadı. Nəticədə Amerika tələm-tələsik bir zərbə endirib, "pauza" düyməsinə basdı. O, "stop" yox, məhz pauza idi.

Çünki heç nə həllini tapmamış, hər şey yarımçıq qalmışdı. İranın daxilindəki işlərini daha yaxşı qurmaq, nefti bir az da ucuzlaşdırmaqla sosial vəziyyəti pisləşdirmək üçün əlavə zaman tələb olunurdu.

6 ay kifayət etdi. İndi pauzaya qoyulmuş müharibənin "start" düyməsini yenidən basmaq olar və böyük ehtimalla, basılacaq da!
Vüsal Məmmədov - "DİA-AZ"