İranın BMT-dəki daimi nümayəndəsi Trampın açıqlamalarını zorakılığa təhrik kimi qiymətləndirib

İranın BMT-dəki daimi nümayəndəsi Əmir Səid İrəvani ABŞ prezidenti Donald Trampın bəyanatlarını İranda zorakılığa təhrik kimi dəyərləndirib.

APA "IRNA" agentliyinə istinadən xəbər verir ki, o, bu barədə BMT-nin baş katibi Antonio Quterreşə və təşkilatın Təhlükəsizlik Şurasının sədri Abukar Dahir Osmana məktub ünvanlayıb.

Məktubda qeyd olunur ki, ABŞ prezidentinin açıqlamaları zorakılığa, iğtişaşlara və terror aktlarına təhrik xarakteri daşıyır.

İrəvaninin sözlərinə görə, Tramp bu bəyanatlarla İrana qarşı güc tətbiqi və müdaxilə ilə açıq şəkildə hədələyib.