İsrail-İran qarşıdurmasında 5 ən pis ssenari mümkündür
Dünən, 06:37
İngiltərə mediasının (BBC) analizinə görə, İsrail və İran arasında artan gərginlik davam edərsə, bölgəni və dünyanı beş mümkün “ən pis ssenari” gözləyir.
Sherg.az xarici mediaya istinadən 5 mümkün ən pis ssenarini təqdim edir:
1. ABŞ münaqişəyə cəlb oluna bilər
İran, ABŞ-ın İsrailin hücumlarına dolayı yolla dəstək verdiyini düşünür və bu səbəbdən regiondakı ABŞ qüvvələrini hədəfə ala bilər. Xüsusilə İraq, Fars körfəzi və diplomatik missiyalar risk altındadır. ABŞ vətəndaşlarının hücumlarda ölməsi halında prezident Donald Tramp hərbi müdaxiləyə məcbur qala bilər. Bu isə münaqişənin daha da dərinləşməsi deməkdir.
2. Körfəz ölkələri münaqişəyə sürüklənə bilər
İran, İsraildə istədiyi nəticəni əldə etməzsə, onunla əməkdaşlıq edən Körfəz ölkələrini – xüsusilə Səudiyyə Ərəbistanı və BƏƏ-ni – hədəf ala bilər. Bu ölkələrdəki enerji və hərbi obyektlər təhlükə altına düşə bilər və onlar da ABŞ və İsraildən hərbi dəstək tələb edə bilər.
3. İran nüvə silahı yarışına başlaya bilər
İsrailin İranın nüvə obyektlərinə hücumları Tehranı öz nüvə proqramını sürətləndirməyə sövq edə bilər. Bu isə yeni qarşılıqlı hücum dalğasına yol açacaq.
4. Qlobal iqtisadi şok baş verə bilər
İran Hörmüz boğazını bağlayarsa və Husilər Qırmızı dənizdəki ticarət gəmilərinə hücumlarını artırarsa, bu, neft qiymətlərində ciddi artıma səbəb ola bilər. Artan enerji xərcləri qlobal inflyasiyanı gücləndirə və iqtisadiyyatı daha da sarsıda bilər.
5. İranda rejim dəyişikliyi və xaos
Əgər İsrailin uzunmüddətli hədəfi İran rejiminin süqutuna səbəb olarsa, ölkədə ciddi bir hakimiyyət boşluğu yaranar. Belə bir vəziyyət İraqdakı və Liviyadakı kimi daxili qarşıdurma və qeyri-sabitliklə nəticələnə bilər.
Geri qayıt