ÇİN ABŞ-ı münasibətləri pisləşdirməyə son qoymağa çağırdı
19-03-2021, 07:43
Çin və ABŞ münasibətləri pisləşdirməyi dayandırmalıdır.
“Report” TASS-a istinadən xəbər verir ki, bu barədə Çin Xalq Respublikasının xarici işlər naziri Van İ Alyaskada Amerika tərəfi ilə danışıqların gedişatında bildirib.
"Son illər Çinin qanuni hüquqları və maraqları pozuldu və Çin-Amerika münasibətləri üçün görünməmiş çətinliklər dövrü gəldi. Və bu artıq aşağı istiqamətli hərəkətdə davam etməməlidir", -Çinin Xarici İşlər Nazirliyinin başçısı vurğulayıb.
O, qeyd edib ki, ikitərəfli münasibətlərin pisləşməsi hər iki ölkənin maraqlarına, həmçinin sabitliyə ziyan vurub və sülhün inkişafına mənfi təsir göstərib.
Qeyd edək ki, Ankoricdə (Alyaska ştatı) Amerika administrasiyasının dəyişməsindən sonra Çin və ABŞ arasında ilk danışıqlar aparılır. Görüşdə ABŞ-ı dövlət katibi Entoni Blinken və prezidentin milli təhlükəsizlik üzrə köməkçisi Ceyk Sallivan təmsil təqdim edir, Pekin isə görüşdə xarici işlər naziri Van İ və Çin Kommunist partiyasının Mərkəzi Komitəsinin Siyasi Bürosunun üzvü, Mərkəzi Komitənin Xarici işlər üzrə komissiyasının dəftərxanasının rəhbəri Yan Çzeçi ilə təmsil olunur.
Geri qayıt