ABŞ və Səudiyyə Ərəbistanı 'azad zona' məsələsində razılaşıblar
30-01-2017, 09:27
Dünən—yanvarın 29-da ABŞ prezidenti Donald Trump Səudiyyə Ərəbistanının kralı Salman bin Abdulaziz Al Saud-la telefonla danışıb. Ağ evdən verilən məlumata görə, söhbət 1 saat çəkib, liderlər Suriya və Yəməndə В«azad zonaВ»ların yaradılması məsələsində razılığa gəliblər.
Seçki kampaniyası zamanı D.Trump Körfəz ölkələrini suriyalı qaçqınlardan ötrü В«azad zonaВ» yaratmağa, bunun üçün vəsait ayırmağa çalışırdı. В«Prezident xahiş edib və kral qaçqınlara yardımla bağlı digər fikirlərlə yanaşı, В«azad zonaВ» yaradılması ideyasını da dəstəklədiyini bildiribВ». Ağ evin bəyanatında belə deyilir.
BMT-nin məlumatına görə 2011-ci ildən bu yana münaqişələr Suriyada 300 min, Yəməndə isə 10 min adamın ölümünə səbəb olub.
Səudiyyə Ərəbistanının rəsmi agentlikləri prezidentlərin söhbətiylə bağlı məlumatda В«azad zonaВ» haqda bir söz deməyiblər, sadəcə, В«dərin və davamlı strateji əməkdaşlıqВ»la bağlı razılaşma olduğunu vurğulayıblar.
Bu gün isə İordaniya kralı Abdullah Vaşinqtona səfər edəcək. Onun ABŞ prezidentiylə görüşüb-görüşməyəcəyi hələ bəlli deyil. Rəsmi məlumatda kralın Birləşmiş Ştatların rəsmiləri--vitse–prezident Mike Pence, Konqres liderləri, senatorlar və müdafiə naziri James Mattis-lə görüşəcəyi, В«İslam DövlətВ» (İŞİD) ilə mübarizə və Rusiyanın Yaxın Şərqdə rolunu müzakirə edəcəyi deyilir.
Geri qayıt