Şəkidə xanədan quran Elxan Usubov rayonu necə idarə edir?
3-03-2015, 11:23
Bəzi icra hakimiyyəti başçılarının rəhbərlik etdikləri rayon və şəhərlərdə mütləq söz sahibi olduqlarını bilməyən yoxdur. Məhz bu səbəbədən bölgələrdə onların “kəsdikləri başa” sorğu-sual da olmur. İcra başçıları xırda mağazalardan tutmuş iri torpaq sahələri, obyektlərin satışına və istifadəsinə qədər bütün sahələrə əl qoyurlar. Şəki şəhərinin icra başçısı Elxan Usubovun belə icra başçıları sırasında olduğu deyilir.
Belə ki, Azərbaycanın tarixi şəhərlərindən sayılan, ilin bütün fəsillərində xarici qonaqları olan Şəki şəhəri həmişə hökümətin diqqət mərkəzində olub. Şəhərin tarixiliyinin qorunması istiqamətində dəfələrlə dövlət büdcəsindən maliyyə vəsaiti ayrılıb. Statistik rəqəmlərə görə, son iki ildə Şəki şəhərinə təxminən 10 milyon manatdan çox maliyyə vəsaiti ayrılıb. Amma gəl ki, bu pulların hara və neçə xərcləndiyi bəlli deyil.
5 ilə yaxın Ağstafa Rayon İcra Hakimiyyətinin başçısı olan, rayondakı problemləri bir az da dərinləşdirən Elxan Usubov 2011 -ci ildə Şəki şəhərinə icra başçısı təyin olundu. Elə Şəkinin ağır günləri də bundan sonra başlayıb. Rayodakı sahibkarlardan Bizimxeber.az-a daxil olan məlumatda deyilir ki, rayondakı abadlıq-quruculuq işləri üçün pul verməkdən beziblər. Dövlət büdcəsindən ayrlılan vəsitin hara xıərcləndiyi bəlli deyil.
Məlıumatda qeyd olunur ki, Elxan Usubov rayonun idarəsini müavini Həsən Həsənova həvalə edib. H.Həsənovun isə “kəsdiyi başa” zaval yoxdu. Şəhərin bütün tarixi binalarının zirzəmilərini satıb. Zirzəmiləri alanlar isə burada qazıntı işləri aparoib mağaza tikiblər. Nəticədə isə tarixi binalar təhlükəli vəziyyətə düşüb.
Bundan başqa icra başçısının göstərişi ilə, müavin Həsən Həsənov tez-tez sahibkarlarla görüşür rayondakı abadlıq-quruculuq işlərinin həyata keçirilmıəsi adı altında pul istəyir. Bundan imtina edən sahibkarlar isə incidilir.
Ən ciddi məqam isə, Şəkinin bələdiyyə sədrinin neçə seçilməsi, onun icra başçısına nə qədər yaxın olması məqamlarıdır. Belə ki, E.Usubov müavini Həsən Həsənovun köməkliyi ilə özünun yaxın qohumu olan Elşad İbadovu Şəkiyə bələdiyə sədri seçdirib. Təbii ki, bu seçim icra başçısına və Həsən Həsənova böyük imkanlar açır.
Bu yaxınlarda icra başçısı rayonda böyük “Sünbül” çörəkbişirmə sexi tikdirib. Sex faktiki olaraq Elşad İbadovun adınadır, amma başçıya məxsusdur. Çörək zavodu tikiləndən sonra rayonda bu bizneslə məşğul olan sahibkarların işi əməlli-başlı zəifləyib. Çünki icra başçısı bütün dükan və market sahiblərinə çörəyi ona məxsus sexdən almağı tapşırıb.
Ümumiyyətlə, başçının biznes obyektlərinin bir çoxuna məhz bu adam nəzarət edir. İcra hakimi onu bələdiyyə sədri vəzifəsinə qoymaqla müəyyən planlarını həyata keçirmək niyyətindədir. Həmçinin rayondakı dayaqlarını mökləmləndirir.
Beləliklə, icra başçısı Elxan Usubov boyuk pullar qazansa da, tarixi Şəki şəhəri yavaş-yavaş itib-batır…
Geri qayıt