Keçmiş baş prokurorun qardaşına cinayət işi açırlar? – Şahin Həsənovun adı qalmaqalda hallanır
13-10-2014, 11:57
DİA.AZ: - Sabiq baş prokuror, Azərbaycanın Serbiya, Monteneqro, Bosniya və Herseqovinada fövqəladə və səlahiyyətli səfiri Eldar Həsənovun qardaşı Şahin Həsənova qarşı olduqca ilginc iddialar səslənməkdədir. Belə ki, DİA.AZ-ın elektron poçtuna ünvanlanan məlumatda qeyd olunur ki, keçmiş baş prokurorun qardaşına qarşı yenidən cinayət işi açıla bilər. Buna səbəb Şahin Həsənovun adının bir sıra qalmaqallı olaylarda hallandırılmasıdır.
Mənbənin DİA.AZ-a iddia etdikləri: “Şahin Həsənovun adı olduqca səs-küylü cinayət işində keçir və ona qarşı başqasının əmlakını, pulunu mənimsəmə ittihamı rəsmiləşə bilər”.
Mənbə iddia edir ki, hələlik bu barədə qəti qərar verilməyib. Amma Şahin Həsənovu çətin günlər gözləyir: “Bu işlə bağlı bir neçə dəfə şübhəli informasiyalar mətbuata ötürülsə də, sonradan eyni şəkildə - yəni müəmmalı olaraq mətbuatdan yığışdırılıb”.
Onu da xatırladaq ki, bu ilin əvvəlində də keçmiş baş prokurorun qardaşına qarşı bir vətəndaş ittihamı səslənmişdi. Belə ki, Şahin Həsənova qarşı iddianı vaxtilə Bakının Mərdanov qardaşları küçəsi, ev 4, mənzil 2 ünvanındakı mənzilin sahibi olmuş Çimnaz Cəfərova irəli sürmüşdü. O, bu ilin fevral ayının 8-də mətbuata evindən məcburi çıxarıldığı barədə şikayət etmişdi. Çimnaz Cəfərova Şahin Həsənovun evini ona satmağa məcbur etdiyini, həmçinin pulu ala bilmədən evsiz qaldığını söyləmişdi.
Doğrudur, bu məsələ Şahin Həsənovun və onun mətbuatdakı dostlarının sayəsində ört-basdır edildi. Amma bu dəfə onun qurutuluş şanslarının kifayət qədər məhdud olduğu da söylənilir...
Geri qayıt