"Mobil telefon aldığım gündən, qara günlərim başladı"
31-08-2018, 11:29
"İrşad Electornics”dən Azad İstehlakçılar Birliyinə daha bir şikayət ünvanlanıb.
Bu barədə Open.az-a qurumun sədri Eyyub Hüseynov məlumat verib. O bildirib ki, dəfələrlə İqtisadiyyat naziri Şahin Mustafayevə rəsmi məktublar göndərilsə də, heç bir nəticə yoxdur.
Lənkəran rayonu Şağlaser kənd sakini Seyfulla Heydərov tərəfindən birliyə ünvanlanan məktubu təqdim edirik:
“Hörmətli Eyyub müəllim, 2018 ci ilin mart ayın 7-də Lənkəran şəhəri H.Aslanov xiyabanı bina 1-də yerləşən “İrşad elektronics” mağazasında özüm üçün 287.00 AZN-ə “SAMSUNG J2” markalı mobil telefon aldım. Həmin gündən mənim qara günlərim başladı. Bu telefonla digər abonentlərlə normal əlaqə saxlamaq olmur. Dəfələrlə telefonun normal işləməməsi haqqında müraciət etmişəm. Aprel ayın 10-dan üç dəfə telefon Bakıya servisə təmirə göndərilib. Ancaq heç bir əhəmiyyəti olmayıb. Mənim alıcılıq hüququmu müdafiə etmək və telefonu dəyişdirilməsində mənə köməklik göstərilməsini sizdən xahiş edirəm”.
Geri qayıt