Xətai rayonu: İnkişafın zirvəsində…
8-09-2016, 10:52
DİA.AZ: - Azərbaycanın günü-gündən inkişaf etdiyi bir mərhələdə bu prosesin inikasının ən bariz duyulduğu ünvanlardan biri də Bakının Xətai rayonudur. Son illər ərzində özünün gözəlliyi ilə diqqətləri cəlb edən Xətai rayonunda prezident İlham Əliyevin uğurlu iqtisadi siyasətinin təsdiqini demək olar ki, hər addımda tapmaq mümkündür.
Prezidentin Xətai rayonundakı təmsilçiliyi, yəni rayon icra hakimiyyətinin rəhbərliyi birbaşa olaraq ümumAzərbaycan miqyasında cərəyan edən İNKİŞAF STRATEGİYASINI layiqincə icra etməkdədir. Bunun da nəticəsidir ki, bu gün Xətai rayonu ayrıca bir ünvan olaraq Avropa şəhərləri ilə müqayisə oluna bilər və günü-gündən gözəlləşən Bakımızda Xətai rayonunun məxsusi payı var.
Qeyd edək ki, DİA.AZ Xətaidə cərəyan edən son gəlişmələri silsilə şəklində diqqətə çatdırır və 2- Cİ YAZInı təqdim edir:
DAVAMI...
İcra Başçısı əsaslı təmir edilən orta məktəblərdə işin gedişatı ilə tanış olub - 2016-08-26
Xətai rayon İcra Hakimiyyətinin başçısı Razim Məmmədov bu gün İcra Hakimiyyəti Başçısının müavinlərinin, şöbə müdirlərinin və rayon Mənzil Kommunal Təssərüfat Birliyinin, Xətai rayon Xətai bələdiyyəsini rəhbərlərinin, digər xidmət sahələrinin nümayəndələrinin müşaiyətilə rayon "2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı" çərçivəsində əsaslı təmir olunan və yeni tədris korpusları inşa edilən 261, 265, 245 və 58 saylı tam orta məktəblərdə aparılan təmir işləri ilə tanış olmaq üçün həmin məktəblərə gəlib.
Məlumat verilib ki, 1979-cu ildə tikilən 261 saylı məktəb 1176 şagird yerlik, 1983-cü ildə tikilən 265 saylı məktəb 1117 şagird yerlik, 1926-ci ildə tikilən 58 saylı məktəb 420 yerlik, 1968-ci ildə tikilən 245 saylı məktəb isə 870 yerlikdir.
58 saylı orta məktəb 1926-cı ildə Qızlar gimnaziyası kimi fəaliyyətə başlayıb, II Dünya müharibəsi illərində Hərbi Hospital kimi fəaliyyət göstərib. 1946-cı ildən isə uyğunlaşdırılaraq orta məktəb olub. Əsaslı təmirdən və yeni tədris korpusunun inşasından sonra məktəbdə 800 şagird təhsil alacaq. 245 saylı orta məktəbdə isə yeni tədris korpusunun inşasından sonra şagirdi yerinin sayı 1350-yə çatacaq.
İş prosesi ilə tanış olduqdan sonra başçı Razim Məmmədov son tamamlama işlərini vaxtında başa çatdırmaq üçün həmin məktəblərin ətraflarında aparılan abadlıq-quruculuq işlərini sürətləndirməklə bağlı əlaqədar təşkilatlara və xidmət sahələrinin rəhbərlərinə müvafiq tapşırıqlar verdi.
Rayon İcra Hakimiyyəti başçısının yeni salınmış "Nümunəvi həyət"də sakinlərlə görüşü - 2016-08-26
Son illər ərzində əhalinin istirahətini təmin etmək məqsədilə Xətai rayonu ərazisində yeni yaşılıq zolaqları, park və meydanlar salınır. Həyata keçirilən abadlaşdırma layihələri çərçivəsində məhəllələrdə "nümunəvi həyət"in salınması da görülən işlərin tərkib hissəsidir.
26.08.2016-cı il tarixdə Zığ şossesi boyunca yerləşən binaların qarşısında daha bir nümunəvi həyət istifadəyə verildi. Ümumi sahəsi 2500 kv.m. olan nümunəvi park müasir standartlara uyğun şəkildə tikilib. Dövlət başçısının ölkədə ekoloji tarazlığın qorunması ilə bağlı verdiyin tapşırıqların icrasına uyğun olaraq nümunəvi həyətlərdə yeni yaşıllıq örtükləri salınıb. Uşaqların asudə vaxtlarının səmərəli təşkili məqsədilə müxtəlif növ atraksionlar quraşdırılıb.
Tədbirdə çıxış edən Xətai rayon İcra Hakimiyyətinin başçısı Razim Məmmədov bildirdi ki, Prezient İlham Əliyevin hərtərəfli qayğısı sayəsində rayonda əsaslı və kompleks yenidənqurma işləri görülür. Son illərdə dövlət başçısının Xətai rayonuna etdiyi səfərlər, rayonda gedən quruculuq və abadlıq işlərinə güclü təkan verib. Rayon icra hakimiyyətinin səyyar və yerli qəbullar zamanı sakinlər tərəfindən yeni yaşıllıqların salınması ilə bağlı qaldırlılan məsələlər də həllini tapır. Bununla bağlı rayon İcra Hakimiyyəti tərəfindən komissiya yaradılıb və tədbirlər planı hazırlanıb. Rayon İcra Hakimiyyətinin başçısı görülən işlərdən də danışdı. Dedi ki, son illər ərzində rayon ərazisində 5-dən çox park salınıb. İndiyənədək müxtəlif ərazilərdə 70-ə yaxın abad həyət qurulub. 31 nümunəvi həyətin salınması işləri isə davam etdirilir.
Çıxış edən sakinlər onlara göstərilən diqqət və qayğıya görə Prezident İlham Əliyevə minnətdarlıq etdilər. Sonra sakinləri narahat edən məsələlər dinlənildi. Qaldırılan məsələlər əsasən yeni liftlərin qurşadırılması, qaz, su, işiq xətlərinin yenilənməsi və digər bu kimi məsələlər oldu. Problemlərin qısa zaman ərzində həll edilməsi istiqamətində yerli struktur bölmələrin rəhbərlərinə göstərişlər verildi.
Səyyar görüşdə vətəndaşlar tərəfindən qaldırılan məsələlər müzakirə olundu - 2016-08-27
Rayon İcra Hakimiyyətinin başçısı Razim Məmmədovun Zığ yolu 7 b saylı binanın qarşısında salınmış nümunəvi həyətdə keçirdiyi səyyar görüşdə sakinlər tərəfindən qaldırılan problemlərin həllinə operativ reaksiya verilib. Belə ki, 27.08.2016-cı il tarixdə rayon İcra Hakimiyyətinin Başçısı vətəndaşların qaldırdığı məsələlərlə yerində tanış olmaq üçün başçının müavinlərinin, şöbə müdirlərinin və rayon Mənzil Kommunal Təssərüfat Birliyinin, bələdiyyə rəhbərlərinin, digər xidmət sahələrinin nümayəndələrinin iştirakı ilə əraziyə baxış keçirmişdir.
Baxış zamanı aidiyyati şəxslərə tapşırılmışdır ki, binaların qarşısında bəzi vətəndaşlar tərəfindən qeyri-qanuni zəbt edilmiş ərazilər təmizlənsin, yerində nümunəvi həyətlərin salınması işləri davam etdirilsin. Həmçinin ərazidə uşaqların oynadığı yararsız vəziyyətdə olan mini futbol və voleybol meydançasının da tez bir zamanda bərpa edilib balaca sakinlərin ixtiyarına verilməsi üçün müvafiq tapşırıqlar verildi.
Daha sonra rayon İcra Hakimiyyətində keçirilən operativ müşavirədə həmin səyyar görüş zamanı sakinlər tərəfindən qaldırılan qaz, işıq, su, lift və s. problemin hər birinin icrası ilə bağlı xidmət sahələrinin rəhbərlərindən və digər məsul şəxslərdən arayış və izahatlar dinlənilmişdir.
Müşavirənin sonunda Razim Məmmədov bir daha vətəndaşların müraciətlərinə həssaslıqla yanaşılması və qaldırılan problemlərin vaxtında yerinə yetirilməsi üçün tapşırıqlar verdi.
Rayon İcra Hakimiyyətinin başçısının növbəti qəbulu keçirilmişdir - 2016-08-29
29 avqust 2016-cı il tarixdə tarixdə keçirilən rayon İcra Hakimiyyətinin başçısının qəbulunda 17 vətəndaş iştirak etmişdir.
Qəbulda vətəndaşlar Haqverdiyev Kərəm, Aslanova Qönçə, Əliyev Nahid, Əliyev Elşən və başqaları tərəfindən əsasən, sosial və kommunal məsələrin həlli, o cümlədən torpaq sahəsinin ayrılması, qəzalı binalarla bağlı, sosial evlərlə bağlı müraciətlər, liftlərin dəyişdirilməsi, təmir olunması, işsizlik, maddi yardım edilməsi ilə bağlı müraciətlər dinlənildi və bu məsələlərin həlli ilə bağlı müvafiq tapşırıqlar verildi.
Qəbulda həmçinin İcra Hakimiyyətinin müavinləri, şöbə müdirləri və digər məsul işçilər iştirak etmişdir.
Xətai rayonunda abadlıq işləri davam etdirilir - 2016-09-01
Dövlət başçısının müvafiq tapşırıq və sərəncamlarına uyğun olaraq Xətai rayonunun simasının gözəlləşdirilməsi istiqamətində görülən işlər davam etdirilir. Son illər ərzində əhalinin istirahətini təmin etmək məqsədilə rayon ərazisində yeni yaşıllıq zolaqları, park və meydanlar salınır. Həyata keçirilən abadlaşdırma layihələri çərçivəsində məhəllələrdə "nümunəvi həyət"lərin salınması da görülən işlərin tərkib hissəsidir. Son illər ərzində rayon ərazisində 5-dən çox park, müxtəlif ərazilərdə 70-ə yaxın abad həyət salınıb. Bir sıra binaların qarşısında 31 yeni abad məhəllənin salınması işləri isə davam etdirilir.
Rayon icra hakimiyyətinin səyyar və yerli qəbulları zamanı sakinlər tərəfindən yeni nümunəvi həyətlərin, uşaqların istirahəti üçün parkların və yaşıllıqların salınması ilə bağlı qaldırlılan məsələlər də həllini tapır. Bununla bağlı rayon icra hakimiyyəti tərəfindən komissiya yaradılıb və tədbirlər planı hazırlanıb. Tədbirlər planına uyğun olaraq artıq rayonun Zığ şossesi boyunca yerləşən binaların qarşısında qanunsuz hasarlanan ərazilərin və obyektlərin sökülməsinə başlanılıb. Burada quruyan ağaclar kəsilib, ərazi zibiklilərdən təmizlənib. Yaxın vaxtlarda təmizlik işləri aparılan bu ərazilərdə yeni abad məhəllərin yaradılmasına başlanılacaq. İşlərin tez bir zamanda başa çatması üçün əlavə canlı qüvvə və rayon İcra Hakimiyyətinin texnikası cəlb olunub.
Rayonun zahiri görkəmində müsbət dəyişikliklərə səbəb olan bərpa və abadlıq işləri həm də rayon sakinlərinin səmərəli istirahəti üçün lazımi şərait yaradacaq. Rayon sakinlərin müraciəti əsasında tikiləcək 31 abad həyətin sayı da artılıb. Yaradılacaq nümunəvi həyətlərdə guşələr, idman meydançası, uşaqlar üçün yelləncəklər və əyləncə qurğuları, yeni oturtacaqlar quraşdırılacaq.
Rayonda məhəllədaxilli yoların bərpası və yenidən qurulması işlərinə də xüsusi önəm verilir. Əhalinin daha rahat gediş-gəlişini təmin etmək məqsədilə yollar genişləndirilir, məhəllədaxili yollara isə yeni asfalt örtüyü, səkilər salınır. Hazırda rayonun bir çox küçə və prospektlərində bu istiqmətdə işlər davam etdirilir.
“Bakı şəhərinin və onun qəsəbələrinin sosial-iqtisadi inkişafı” dövlət proqramın icrasına uyğun olaraq, rayonda yeni, müasir standartlara cavab verən təhsil müəssisələrinin inşası, əlavə tədris korpuslarının tikintisi işləri davam etdirilir. Prezident İlham Əliyev tərəfindən təsdiq edilən regionların sosial-iqtisadi inkişafı dövlət proqramı çərçivəsində rayon ərazisində fəaliyyət göstərən 37 ümumtəhsil məktəbindən 33-ü əsaslı təmir edilib. 2 məktəb tamamilə sökülərək yerində müasir standartlara cavab verən məktəb binaları inşa edilib.
Geri qayıt