"Bu artıq idarəetmə böhranıdır..."

"Azəriqaz İstehsalat Birliyinin smart sayğacı dəyişərkən 425 kub qalıq vardı. Abonent səhifəsində də göstərilirdi...." "DİA-AZ" xəbər verir ki, bu barədə gileylənən tanınmış hüquqşünas, Vətəndaşların Əmək Hüquqlarını Müdafiə Liqası İcrayyə Komitəsinin sədri Sahib Məmmədov SOCAR "Azəriqaz" İB-dən üzləşdiyi problemlə bağlı izahat tələb edir.

Hüquq müdafiəçisi başına gələnləri belə nəql edir: "Hazırda sayğacda 291 kub göstərici var. Artıq iki aydı qalığı siliblər və iki aydır ki, mənə dalbadal sms gəlir ki sərfiyyat 400 kubdur və mən borcu ödəməliyəm. Antiinhisar və İstehlak Bazarına Nəzarət Dövlət Agentliyi də daxil bütün vecsiz qurumlara şikayət yazmışam. Bu günlərdə Azəriqaz İB Sumqayıt RQİİ-dən məktub gəlib ki, problemi həll etmişik. Bu gün yenə sms gəlib ki, borcu verməsəniz qaz təchizatı dayandırlacaq.

Bu artıq idarəetmə böhranıdır. SOCAR-dakı ingilisdilli rəhbərlər hansısa kitabdan xarici idarəetmə modelin götürüb tətbiq ediblər adını da öz dillərində upstream, downstream və mainstream qoyublar. Aləm qarışıb bir birinə. Artıq gülməkdən başqa çarə qalmayıb. Əgər sərfiyyatı idarə öz bildiyi kimi təyin edirsə, o zaman sayğac nə üçündür? Onsuz da sayğac sərfiyyatı iki dəfə artıq yazır. Bunlar da onu ikiyə vurub pulun alırlar..."