Teleaparıcı Nərmin Əlisoy: "Həyatımda biri var..."
5-05-2015, 08:50
DİA.AZ teleaparıcı Nərmin Əlisoyun Milli.Az-a müsahibəsini təqdim edir:
- Nərmin xanım, əvvəllər təkcə ATV-də hava haqqında məlumatı təqdim edirdiniz. İndi isə işiniz artıb, “Dəyişirəm” verilişinin də aparıcılığını edirsiniz. Niyə məhz “dəyişirəm” verilişini seçdiniz?
- Düzdür, ATV mənim üçün doğma telekanaldır. Hələ də hava haqqında proqnozu təqdim edənlərdən biri də mənəm. Ancaq dəyişiklik olsun deyə eyni vaxtda “Dəyişirəm” verilişinin də aparıcılığını etmək qərarına gəldim. O ki qaldı niyə məhz bu veriliş, çünki mən həyatımı dəyişməyi sevirəm (gülür).
- Məsələn, son iki il ərzində nələri dəyişdirmisiniz?
- Çox şeyi. Çox böyümüşəm son iki il ərzində.
- Hava proqnozu demişkən, “havalar” necədir?
- Hələ ki, sakitlikdir. Mənim üçün havalar əla keçir.
- Paxıllığınızı çəkənlər, yaxud da sizə qarşı mərdiməzarlıq etmək istəyənlər çoxdur?
- Elə insanlar kifayət qədər var. Onlar zəli kimidirlər, yapışdılarsa, qopmaq bilmirlər.
- Onlara qarşı necə mübarizə aparırsınız bəs?
- Əhəmiyyət verməməklə. Boş verirəm.
- Elə o vaxtdan bəri subaylıqdır?
- Subaylıq olmağına subaylıqdır. Hər şeyin öz vaxtı var.
- Sevmirsiniz?
- Həyatımda biri var. Fikrimiz ciddidir. Görək, inşallah, alınsa, onunla ailə quracağam.
- Yenə idmanla məşğul olursunuz?
- Bir müddət ara vermişdim. Amma bu yaxınlarda yenidən idmana başlamaq fikrindəyəm. Çünki baxımlı olmaq üçün idmanın da kifayət qədər təsiri var.
- Bu baxımdan siz özünüzü cazibədar hesab edirsiniz?
- Mən heç vaxt özümü cazibədar saymamışam. Şirinliyim, gözəlliyim var, lakin özümə cazibədar demirəm.
- Tam sərbəstsiniz, yoxsa qismən?
- Tam sərbəst insanam. Hər bir şeydə azadam.
- Geyim baxımından da kompleksiniz olmadığını bilirəm...
- Tamamilə doğrudur.
- Bunun bariz nümunəsi kimi bir müddət öncə nisbətən açıq libaslarda çəkdirdiyiniz şəkilləri göstərmək olar. Ən azından, həmin fotosessiyanı görənlər bu qənaətə gəlirlər...
- Sözün düzü, mən o libaslarda heç bir açıq-saçıqlıq görmürəm. Yayda palto geyinəsi deyildim ki. Mövsümə uyğun geyinmişdim. Mən o şəkilləri KİV üçün çəkdirməmişdim. Amma xəbər portallarında yayıldı, səs-küyə səbəb oldu. Yenə də deyirəm, mən o geyimlərə normal baxıram və kütlənin fikri mənin üçün önəmli deyil.
- Bundan sonra da elə cəsarətli şəkillər çəkdirmək fikriniz var? Ardı olacaq?..
- Mən istədiyim yerdə, istənilən formada şəkil çəkdirə bilərəm. Heç kim mənim şəxsi həyatıma qarışa bilməz. Amma o demək deyil ki, mən o şəkillərin KİV-də işıqlanmağına şərait yaratmalıyam. Nə edirəmsə, özüm üçün edirəm.
Geri qayıt