" Bunu dərk etməyənlər vəzifə, pul, hərislik uğrunda ömür boyu başqaları ilə çarpışırlar..."

"İyul mənim üçün çox çətin keçdi. Mini əməliyyat, həftələrdir davam edən pəhriz, günün müxtəlif saatlarında qəbul edilən dərmanlar və bütün bunların yaratdığı psixoloji gərginlik..." "DİA-AZ" xəbər verir ki, bunu özünün sosial şəbəkə hesabındakı paylaşımında tanınmış teleaparıcı Nigar Sabirqızı qeyd edib.

O daha sonra bildirir: "Olduqca ağır idi. Amma yavaş-yavaş arxada qalır. Növbəti dəfə əmin oldum ki, həyatda ən böyük nemət sağlamlıqdır. Bunu dərk etməyənlər vəzifə, pul, hərislik uğrunda ömür boyu başqaları ilə çarpışırlar. Mənə görə isə insanın işi kiminləsə yox, həyatın özü ilə olmalıdır. Mən hər dəfə ona təslim olmamağa çalışıram. Bəzən həyat mənə qalib gəlir. Amma mənim də ona qalib gəldiyim anlar az deyil. Həyatla daha bir mübarizəmi verdim və ayaq üstəyəm. Yola davam. Çalışın, xəstələnməyin..."