“Röya ilə barışmaram, təkcə oğlumun toyunda bir araya gələcəyik”

“Yazırlar ki, Röyayla barış. Barışmaq söhbəti etməyin, biz dava etməmişik ki, barışaq da. Sadəcə boşanmışıq. Biz yenə də bir araya gələ bilərik. Ola bilər ki, oğlumun toyu olacaq, biz görüşüb, yeyib-içə bilərik. Amma barışmayacağıq, bir araya gəlməyəcəyik. Mən sadəcə ona hörmət edirəm. Sevmək başqa hissdir, hörmət etmək başqa. Mən qadınlarla yaşaya bilmərəm. Uşaqlarımla yaşaya bilərəm, amma mənə heç kim uşaq verən də deyil”

Moderator.az xəbər verir ki, bunu xalq artisti Röya Ayxanın keçmiş həyat yoldaşı Anar Cəlilov deyib. O daha sonra əlavə edib:

“Subaylıq sultanlıqdır. 3 dəfə evlənmişəm, 4 övladım var. Bəlkə də o biri ölkələrdə də övladlarım var. Afrikada, İtaliyada (gülür). Bəlkə Bakıda da var. Yəqin ki, onlar bir gün gəlib məni tapacaqlar” deyə bildirib.

Qeyd edək ki, Anar Cəlilov 3-cü həyat yoldaşından bu günlərdə ayrılıb. Nigar Cəlilova bildirib ki, nikahın pozulmasına səbəb xəyanət olub. Anar Cəlilov bir vaxtlar məşhur olan “Çudo peçka” mağazalar şəbəkəsinin sahibinin oğludur.