"Buna görə utandığımdan ölüb yerə girirəm"
10-07-2023, 17:11
“Hamı onun adı ilə reytinq yığır, bu da mənimlə reytinq qazanmağa çalışdı…”.
DİA.AZ yenicag.az-a istinadla xəbər verir ki, bu sözləri şairə Nazilə Səfərli efirdə deyib. O, şou-biznesdə tanınmağında əsasən xarakterinin böyük rol oynadığını etiraf edib:
“Məni nə şerlərim sevdirdi, nə şairəliyim. Məni əsas xarakterim sevdirdi. Xarakterimin üzə çıxması üçün iki-üç dənə başdanxarab lazım idi, o da oldu. Allah insanın ağlını necə gözəl alırmış ki, illərdi camaat onunla reytinq yığır, bu da gəlib mənimlə reytinq qazanmağa çalışdı. Əvəzində də Nazilənin içindəki xarakteri sərgiləməyə şərait yaratdı”.
Nazilə məclislərdə oxusa da, özünə müğənni demədiyini, hətta sənətkarlar qarşısında oxumağı özünə ayıb saydığını deyib. O, bəzi həmkarlarına atmaca da atıb:
“Elə adam var ki, müğənni deyil, amma sənətkarın qarşısında mahnı oxuyur, heç utanmır. Arsızdırlar. Arsızllq özü bir istedaddlr. Amma mən utanıram, ölüb yerə girirəm. Bir dəfə xına məclisində Mətanət İsgəndərlinin yanında “Layla”nı oxudum. Mənimlə birgə işləyən bacıma dedim, Mətanət xanımı bir bəhanə ilə çıxar foyeyə, ya denən, çıxaq bir çay içək, ayıbdır, utanıram onun yanında oxumağa”.
Geri qayıt