Aqşinlə Ələkbər barışdı
18-12-2019, 11:24
DİA.AZ: - Xəbər verdiyimiz kimi, meyxanaçı Ələkbər Yasamallı həmkarı Aqşin Fateh haqda xoşagəlməz ifadələr səsləndirib.
DİA.AZ-ın məlumatına görə, o, "İnstagram"da canlı yayım zamanı həmkarını təhqir edib və Aqşini söhbətə çağırıb.
A.Fateh məsələ ilə bağlı açıqlama verib: "Ələkbər Yasamallı ünvanımı və nömrəmi bilə-bilə məni sosial şəbəkədə söhbət çağırıb. O, "İnstagram"da məni hansı restorana çağırmışdısa, həmin saatda ora getdim. Restoranda danışdıq ki, kənarda söhbət edək. İki gündür Ələkbər söhbətə gəlmir. Hər ikimizin də tanıdığı hörmətli dostumuz var. O, mənə təklif etdi ki, mehribançılıq olsun. Mən də razılaşdım. Həmin dostumuz mənə söz verdi ki, Ələkbər yenidən açıqlama verərək, hər şey düzəldəcək. Amma mən hələ də gözləyirəm. Ələkbər ortada yoxdur.
Onu da deyim ki, hər zaman ədəbli, ağlım başımda, sözümün yerini bilən insan olmuşam. Mənim Allahdan başqa da heç kimdən qorxum yoxdur. Bir-iki ay bundan öncə də bəzi sənətçilərə də cavab verməməyimin səbəbi ədəbimdən irəli gəlir. Ələkbəri də kişi bildiyimə görə sözüm olanda özünə zəng edib, demişəm".
Hər iki tərəf artıq görüşüb, barışıb. Bu haqda A.Fateh sosial şəbəkədə Ə.Yasamallı ilə çəkdiyi videosunu yayımlayıb və bu şərhi yazıb: "Ələkbərnən görüşdük. Ortaq dostlarımız bu görüşü təşkil etdilər. Bütün məsələyə aydınlıq gəldi və son qoyuldu. Sonunda bütün dostlarla birgə deməyə bir söz qaldı, Allah şeytana lənət eləsin. Həqiqət öz yerini tapdı".
Qeyd edək ki, Ə. Yasamallının əsəbləşməsinə səbəb Aqşin Fatehin "Hər şey daxil" verilişinin canlı yayımında etdiyi açıqlamalar olub.
Geri qayıt