Azərbaycanlı müğənninin ikinci nəfəsi kimdir?
11-03-2017, 08:58
DİA.AZ: - Pop star Anar yeni mahnısını təqdim etməyə hazırlaşır. DİA.AZ xəbər verir ki, Azərbaycan dilinə tərcumədə "İkinci nəfəs" kimi səslənən mahnı barəsində müğənni oxucularımızı belə məlumatlandırdı: "Sevgidən sınan qəlb mövzusunda mahnı oxumağı çoxdan arzulayırdım.
Amma bu, artıq əzab çəkən ürək deyil. Bu mahnı yuxusuz gecələr və qarşılıqsız sevginin göz yaşlarından bəhs etmir. Fikirləşirəm ki, yaralı könül, parçalanan ürək hissi çoxlarına tanışdır.
Və uzun müddətli təklik düşüncələri içində öz-özünə təsəlli axtararaq, sadəcə, bunu qışqırmaq istəyirsən: Sənə xoşbəxtlik arzulayıram! Qoy həyatında hər şey çox uğurlu alınsın! Sən buna layiqsən və mən bunu bilməyimə görə şadam!
Əlbəttə, hərdən özünün də pis yaşamadığını, hər şeyin əla olduğunu göstərmək istəyirsən, eyni zamanda həyatındakı əziz insanları itirməməyə çalışmaq lazımdır.
Ona görə göstərmək istəyirsən, çünki sevdiyin insana qarşı sakit və biganə heç vaxt ola bilməzsən. Unutmaq, düşünməmək, maraq itirmək olar, amma inanmıram ki, nə zamansa dəlicəsinə sevdiyin insana qarşı biganə qalmaq mümkündür.
Sizə nəql etdiyim bu hisslərin hər birini mənim yeni “Второе дыхание" mahnımda eşidə biləcəksiniz...”
Qeyd edək ki, “Второе дыхание" adlı mahnıya çəkilən klipin çəkilişləri artıq yekunlaşıb. ANAR martın 27-də yeni klipini sevənlərinə təqdim etmək niyyətindədir.
Geri qayıt