“Azərbaycan Gözəli-2017” kimdir?
22-02-2017, 07:43
DİA.AZ: - “Şou Prodakşn”ın təşkilatçılığı ilə keçirilən “Azərbaycan Gözəli-2017” Milli Gözəllik yarışmasının final gecəsi baş tutub.
DİA.AZ xəbər verir ki, münsiflər heyətində təmsil olunan ulduz sənətçilərin və tanınmış simaların iştirakı ilə Qafqaz Sport Hotel, Amuse Dining & Loung-də təşkil olunan final gecəsi olduqca maraqlı və diqqəti cəlb edən hadisələrlə yadda qalıb. Münsiflərin səsverməsi və eyni zamanda tədbirə dəvət almış tamaşaçıların iştirakı ilə baş tutan səsvermə sonrası on iki nəfər finalçıdan beş nəfər iştirakcı mükafatlara sahib olublar. Qarabağı təmsil edən Firəngiz Orucova birinci, Səbinə Seyfullayeva və Günel Jaləli ikinci, İlahə Həmidova və Aynur Əhmədova isə üçüncü yerə layiq görülüblər.
Qeyd edək ki, Azərbaycanda ilk dəfə olaraq 2015-ci ildən Şou Prodakşının (Show Production) təşkilatçılığı ilə “Azərbaycan Gözəli” adlı gözəllik yarışması keçirilir. “Azərbaycan Gözəli” adlı layihədə iştirak edən iştirakçı xanımların hər biri ölkəmizin bir regionunu təmsil edir. Bu günə kimi həyata keçirilən “Azərbaycan Gözəli - 2015” Gözəllik yarışmasının qalibi Nərgiz Əliyeva və “Azərbaycan Gözəli - 2016” Gözəllik yarışmasının qalibi Günel Ağayeva olub. “Azərbaycan Gözəli - 2017” Gözəllik yarışmasının qalibi isə Firəngiz Orucova oldu.
Geri qayıt