Xətainin icra başçısı özünü o qədər arın-arxayın hiss edir ki...
18-02-2020, 09:38
El dili ilə desək siftəsi korlanan Xətai rayon İcra Hakimiyyətinin başçısı Rafiq Quliyevin başı seçki saxtakarlığı ilə bağlı problemdən qurtarmadan, yeni bir problemlə dərddədir. Belə ki, ölkənin oliqarx məmurları sırasında əhəmiyyətli yer tutan Xətai rayon İcra Hakimiyyətinin başçısı Rafiq Quliyevə məxsus, icarəyə verilən obyektlərdən gələn səslərlə bağlı vətəndaş narazılığı səngimir. Bir müddət öncə Conflict.az-ın araşdırması əsasında dərc edilən məlumatda qeyd edilirdi ki, Rafiq Quliyev bəzi kommersiya obyektlərini özünə yaxın olan müxtəlif şəxslərin adına rəsmiləşdirsə də, lakin həmin ticarət müəssisələrinin Xətai rayon İcra Hakimiyyətinin başçısına məxsus olması kimsəyə sirr deyil. Belə obyektlərdən bir neçəsi də Xətai rayon Cavanşir küçəsində yerləşir. Ötən araşdırmamız zamanı məlum olmuşdu ki, Rafiq Quliyevə məxsus bir çox obyektlərə onunla kirvəlik münasibətində olan İntiqam adlı şəxs rəhbərlik edir. Hətta mənbə əlavə olaraq onu da qeyd etmişdi ki, obyektlərin vətəndaşlar üçün yaratdığı narahatlıqlar konteksində polisə edilən müraciətlər zamanı məhz İntiqam dövriyyəyə girir və şikayətçilərin müraciətlərini polisin arxivinə göndərtdirir. Məhz bu amildir ki, Rafiq Quliyevin obyektlərini icarəyə götürən sıradan bir şəxslər belə meydan sulayırlar. Əslində bu hal Xətai rayon İcra Hakimiyyətinin başçısı RAFİQ QULİYEVİN ÖLKƏ PREZİDENTİ CƏNAB İLHAM ƏLİYEVİN İRADƏSİNƏ QARŞI ÇIXMASININ ƏYANİ TƏZAHÜRÜDÜR.
Çünki ölkə Prezidenti məhz Rafiq Quliyevində İcra Hakimiyyətinin başçısı təyinatı zamanı onlara dövlət üçün birinci insan amilinin rol oynamasını xatırlatmışdı. Təəssüflər olsun ki, məlumatlı mənbənin verdiyi informasiyaya görə bəzi kluarlarda özünü hakim ailənin yaxını kimi təqdim edən Rafiq Quliyev üçün insan amili nəinki birinci deyil, hətta yoxdur. Və zaman onu göstərdi ki, bu şəxs yalnız öz şəxsi büdcəsini düşünməklə Prezident iradəsinə qarşı çıxmır, eyni zamanda ölkə başçısının siyasi kursunu dünyada şübhə altına alan əməllərə də yol verir. Belə ki, Xətai rayonunda mövcud olan 4 DSK-dan, 2-nin nəticələri məhz saxtakarlığa görə ləğv edilməsi konteksində, Rafiq Quliyev hələ də obyektəlrinin dayanmadan işləməsi, daha çox vəsait əldə etmk haqqında düşünür.
Diqqətli oxucuların nəzərinə onu da çatdıraq ki, Xətai rayon Cavanşir küçəsində yerləşən və hər kəsin “Rafiq Quliyevin avtoyuma məntəqəsi” kimi tanıdığı obyekt, illərdir ki, gecənin gec saatlarına qədər, bəzən isə 24 saat belə fəaliyyət göstərir. Rafiq Quliyevin kirvəsi İntiqam adlı şəxsin bacısı Afətin adına rəsmiləşdirilən bu obyektlə bağlı hələ ötən il vətəndaşların polisə və digər aidiyyatı dövlət qurumlarına etdikləri şikayətlər əsasında Bakı şəhər Baş Polis İdarəsi BŞİH-yə və Xətai RİH-yə obyektin təyinatının dəyişdirilməsi ilə əlaqədar rəsmi məktub göndərsə də, lakin həmin məktub naməlum səbəblərdən icra edilmədi. Əslində hər şey məlumdur. Özünü Xətainin padşahı kimi aparan Rafiq Quliyev nədən gəlirli obyektinn təyinatını dəyişdirməlidir? “Mən salim olum, cümlə-cahan batsada, batsın” təfəkkürü ilə rayonu idarə edən bir şəxsə vətəndaş narahatlığı türklər demiş hələ ki, vız gəlir. Və onu da oxucuların nəzərinə çatdırırıq ki, Rafiq Quliyevin obyektlərinin vətəndaşlar üçün yaratdığı narahatlıqlarla bağlı dərc edilmiş araşdırmadan sonra Rafiq Quliyevin adamları kifayət qədər “böyük dəyişikliklər” etdilər. Obyektin üzərindəki “Qarabağlılar 19” lövhəsini çıxarıb, yerinə başqa bir lövhə asdılar. Onu da xatırladaq ki, həmin obyeklə bağlı şikayət hal – hazlrda Xətai rayon 36-cı polis bölməsinin icraatındadır.
Rafiq Qullliyevin seçki saxtakarlığına göz yumması, ölkə Prezidenti cənab İlham Əliyevin iradəsinə qarşı çıxmasının səbəbləri ilə bağlı araşdırmamız davam edir.
Mövzuya qayıdacağıq.
Redaksiya məlumatda adı çəkilən qurum və ya şəxslərində cavab haqlarını tanıyır, dərc etməyə hazırdır.
Conflict.az
Geri qayıt