“Neftqaztikinti” Trestində nə baş verir?
27-12-2019, 10:25
Xəbər verildiyi kimi noyabr ayının 1 də Azərbaycan Respublikası Dövlət Neft Şirkəti rəhbərliyinin əmri ilə SOCAR Qaz İxrac İdarəsinin rəisi Qağaməli Seyfullayev “Neftqaztikinti” trestinin müdiri, Heydər Əliyev adına NEZ-in direktor müavini Füzuli Hacıyev Təhlükəsizlik İdarəsinin rəisi, Mirkazım Abasov və Rəşad Əliyev isə SOCAR prezidentinin müşaviri vəzifəsinə təyin olunublar.Bu təyinatdan artıq iki ay keçməsinə baxmayaraq “Neftqaztikinti” trestinin rəsmi portalında heç bir dəyişiklik olunmamaış və müdir hələ də Mirkazım Abasov olaraq qalmaqdadır.
Mirkazım Abasovun hələ də “Neftqaztikinti” trestinin müdiri qalması və yeni müdir Qağaməli Seyfullayevin bu idarənin müdiri kimi təqdim olunmaması, birinciyə olan sevgidən deyil, idarədə hər kəsin öz işinə lazımınca yanaşmamasından irəli gəlir.Görünür “Neftqaztikinti” Trestinin rəhbərliyində olunan kadr dəyişikliyi bu gün bir çoxunu sevindirirsə,bir çoxunu da məyus edib. Keçmiş direktorun trestdə oturuşmuş kadrları təbii ki, Mirkazım Abasovun gedişindən məyus olublar. Yeni müdir Qağaməli Seyfullayevin buraya gəlişinə sevinənlər də var. Qeyd edək ki,Qağaməli Seyfullayev neft şirkətində, qaz sahəsində uzun müddətdir müxtəlif vəzifələrdə çalışıb. Buna baxmayaraq onun “Neftqaztikinti”Tresti ilə heç bir bağlılığı olmayıb. Lakin onun gözlənilmədən bu sahədə vəzifəyə təyin olunması trestdə nələri dəyişəcək? Bunu gələcək göstərəcək. Bəs Qağaməli Seyfullayevin bu idarəyə gəlişindən sonra daha çox sevinən kimdir?
Aktualinfo.org-a verilən məlumatlara görə Qağaməli Seyfullayevin trestə müdir təyin olunmasından sonra daha çox sevinən və əl qolu açılan idarənin ümümi məsələlər üzrə müdir müavini Hənif Qurbanovdur. Məlumatlara görə əvvəlki müdir Mirkazım Abasovun dövründə də, bu idarədə Hənif Qurbanova gözün üstə,qaşın var deyən olmayıb. Lakin yeni müdirin gəlişindən sonra, verilən məlumatlara görə Hənif Qurbanov işçilərə yeri gəldi,gəlmədi göstərişlər verir,hədələməkdən belə çəkinmir, idarənin yeni müdiri ilə yaxınlığı ilə öyünür, bir sözlə, özünü lap müdir kimi aparır. Bunun nədən irəli gəldiyini deyə bilmərik. Amma onu deyə bilərik ki, Hənif Qurbanov hələ 2016 cı ilin sentyabrında Mirkazım Abasovun təqdimatı ilə neft sahəsində xidmətlərinə görə”Tərəqqi” medalı ilə də təltif olunub. Verilən məlumatlara görə bu da onun çalışdığı idarədəki zəhmətinə görə deyil, Neft Şirkətinin rəhbərliyi ilə olan yaxın qohumluq tellərindən rəli gəlir. Bəs Hənif Qurbanov “Neftqaztikinti”trestində Qağaməli Seyfullayevin gəlişinə niyə belə sevincək olub? Bəlkə Qağaməli Seyfullayev onun üçün yeni üfüqlər açacaq,yeni gəlir mənbələri verəcək?
Qeyd edək ki, Hənif Qurbanovun hazırki gəlirləri də heç də, az deyil. Redaksiyamıza verilən məlumatlara görə Hənif Qurbanovun və yaxınlarının adına hal hazırda 5-6 dənə MMC var ki, neft şirkətinin və başqa dövlət müəssisələrinin elan etdiyi tenderlərdə tez-tez qalib çıxırlar. Məlum olduğu kimi,hazırda yüzminlərlə dəyəri olan dövlət sifarişi almaq o qədər də asan məsələ deyil. Amma məlumatlara görə Hənif Qurbanova məxsus MMC-lər hər il onlarla belə tenderlərin qalibi olurlar. Tender yolu ilə dövlət sifarişləri alan MMC-lərin hesabına köçürülən pulların təyinatı üzrə nə dərəcədə xərclənib,xərclənməməsini isə Alllah bilir, Hənif Qurbanov və bir də sifariş verən qurumlar.
Bundan başqa, verilən məlumatlara görə “Neftqaztikinti” Trestinin tabeliyində olan fəhlə yeməkxanalarına da nəzarəti Hənif Qurbanov edir. Qeyd edək ki, Trestin tərkibinə müxtəlif profilli 8 Tikinti-Quraşdırma İdarəsi, İxtisaslaşdırılmış Təmir-Tikinti İdarəsi, Yol Tikinti-Təmir İdarəsi, Səyyar Mexanikləşdirilmiş İdarə, Dəmir-Beton Məmulatları Zavodu, Avtonəqliyyat İdarəsi, Xüsusi Texnika İdarəsi, Anbar Təsərrüfatı İdarəsi, İqtisadiyyat və Uçot Departamenti, Keyfiyyətə Nəzarət Departamenti və Qaynaq Texnoloji, Dağılan və Dağılmayan Müayinə Mərkəzləri daxildir ki, bu idarə sahələrində onlara yeməkxana var. Bu yeməkxanaların hamısı trest tərəfindən icarəyə verilsə də, icarə haqqını məlumatlara görə Hənif Qurbanov yığır. Məlumatlara o da əlavə olunur ki, bu yeməkxanaların aylıq icarə haqqı ümümilkdə 15-20 min manat arasındadır. Bütün bu işlərə məlumatlara görə Hənif Qurbanov hələ Mirkazım Abasovun dövründən nəzarət edib və hal hazırda da davam etdirməkdədir.
Hazırda “Neftqaztikinti” Trestinin elə birinci mərtəbəsində yerləşən yeməkxananın Tofiq adlı bir şəxs tərəfindən icarəyə götürüldüyü bildirilir. Amma Tofiqin idarəyə nə qədər icarə haqqı ödədiyi barədə heç bir məlumat bilən yoxdur. Tofiqin icarəyə götürdüyü yeməkxananın necə idarə olunması ilə yanaşı, bu yeməkxanada şənbə və bazar günləri təşkil olunan kef məclislərində kimlərin iştirak etməsi bir başqa məqalənin mövzusudur.Bizi izləyin.
Aktualinfo.org
Geri qayıt