Zamanında ifşa edilməyən şəbəkə:
4-06-2018, 11:05
Son günlər Rusiyanın Azərbaycandakı agentura şəbəkəsinin fəallaşdığına dair iddialar səslənməkdədir. Hesab olunur ki, Kremldən idarə olunan “5-ci kolon”un fəallaşması təsadüfi deyil. Ekspertlərin fikrincə, 200 il Rusiyanın əsarəti altında oldğumuzdan rus kəşfiyyatının ölkəmizdə dayaqları hələ də qalır. Maraqlıdır ki, Rusiyaya xidmət edən “5-ci kolon” müxalifətin daxilində də var. 2013-cü il prezident seçkiləri ərəfəsində qurulmuş “Demokratik Qüvvələrin Milli Şurası” adlı qurum da Moskvadan maliyyələşirdi.
Əli Kərimli və digər siyasi dəllallar Moskvanın maraqlarına xidmət etdiyi şübhə doğurmayan kinossenarist Rüstəm İbrahimbəyovu qurumun başına təsadüfən gətirməmişdilər. Son günlər İbrahimbəyovun ssenarisi ilə çəkilmiş “Qafqaz üçlüyü” flimi ictimaiyyətdə ciddi müzakirə olunur. Azərbaycan xalqını aşağılayan ekran əsəri haqlı olaraq tənqid edilir. Maraqlıdır ki, Rusiyanın Azərbaycandakı “agentura şəbəkəsi” başqa hansı sürprizlər hazırlaya bilər? Zamanında Rusiyanın casus şəbəkəsini ifşa etmək mümkün idimi?
“Bu şəbəkə sovet dövründən daha güclüdür”
Azad Demokratlar Partiyasının sədri, təhlükəsilik məsələləri üzrə ekspert Sülhəddin Əkbər “Cümhuriyət” qəzetinə şərhində Rusiyanın Azərbaycandakı casus şəbəkəsinin getdikcə daha da gücləndiyini deyib: “Dəfələrlə açıq şəkildə demişəm ki, Rusiyanın Azərbaycandakı casus şəbəkəsi indi sovet dövründən daha güclüdür. Bunun bir tərəfdən də obyektiv səbəbləri var.
Brinci səbəb ondan ibarətdir ki, Azərbaycan artıq vahid bir dövlətin, sovet imperiyasının tərkib hissəsi deyil və bu burada Rusiyanın həyati vacib maraqları var. Yəni, Azərbaycan Rusiyanın vacib maraq dairəsindədir.
İkincisi, Azərbaycan çox həssas, Rusiya üçün çox əhəmiyyətli geopolitik, geostrateji, geoiqtisadi, geokültürəl bir coğrafiyada yerləşir. Bura müxtəlif dövlətlərin gizli agent şəbəkələrinin, xüsusi xidmət orqanlarının müharibə bölgələrindən biridir. Dünyada ciddi kəşfiyyat müharibələrinin ən çox getdiyi ölkələrdən biri də məhz Azərbaycandır.
Üçüncüsü, regionda və qonşu regionlarda gedən prosesləri, terrorizmlə mübarizəni, Əfqanıstanda, Suriyada, İraqda yaranmış vəziyyəti nəzərə alsaq bu da Rusiyanın Azərbaycana qarşı olan maraqlarını artırır. Ən vacib məsələ isə Putin Rusiyasının çox aqressiv hərbi və xarici siyasət aparmasıdır. Azərbaycan ərazisində “5-ci kolon” və məxfi agent şəbəkəsi həm genişlənib, həm də aktiv və aqressiv fəaliyyət göstərir”.
Bunun Azərbaycana qarşı olan təhlükəsi var? Sülhəddin Əkbər Azərbaycanın artıq bu təhlükənin içində olduğunu deyib. O, bilidrib ki, bütün dairələrdə, o cümlədən, yüksək dairələrdə belə “5-ci kolon”un təmsilçiləri var: "Bundan böyük nə təhlükə ola bilər? Belə bir vəziyyətdə bu təhlükənin dəf edilməsi çətindir”.
Geri qayıt