İngilis general elan etdi: 5 il sonrakı müharibəyə hazırlaşın
23-08-2024, 12:08
Böyük Britaniya Kiyevin dəstəyi ilə tükənmiş silah ehtiyatlarını bərpa etməsə, beş ildən sonra müharibə təhlükəsi ilə üzləşəcək.
Publika.az xəbər verir ki, bu haqda Britaniya Silahlı Qüvvələrinin Baş Qərargahının keçmiş rəisi Patrik Sanders proqnozunu açıqlayıb.
Sandersin fikrincə, Ukraynadakı münaqişənin sona çatması, Rusiya iqtisadiyyatının modernləşdirilməsi və gücləndirilməsi, eləcə də Çin rəhbərliyinin ordunu 2027-ci ilə qədər Tayvanı işğala hazırlamaqla bağlı elan etdiyi planlar kəskin təhlükə nöqtəsi yaradacaq.
Onun sözlərinə görə, neqativ ssenarinin baş verməsinin qarşısını almaq üçün Böyük Britaniya mübarizəyə hazırlaşmalı, “bu onillikdə bu münaqişələrin qarşısını almaq qabiliyyətini təmin etməlidir”.
Sanders hesab edir ki, Böyük Britaniya beş-on il ərzində “böyük güc münaqişəsi dövrünə” qayıtmaq kontekstində əməliyyatlar keçirmək qabiliyyətini bərpa edə və ordu personalının sayını sürətlə artıra biləcək.
Eyni zamanda, o vurğulayıb ki, investisiyalar ilk növbədə Böyük Britaniyanın “bu onillikdə Rusiyanı tutmaq” imkanının olmasını təmin etməyə yönəldilməlidir.
Geri qayıt