Polislə dalaşan azərbaycanlı saxlanıldı
17-08-2024, 10:41
Rusiyanın Nijni Novqorodda polis əməkdaşlarını hədələyən azərbaycanlıya qarşı iş açılıb.
Lent.az yerli KİV-ə istinadla bildirir ki, hadisə avqustun 15-nə keçən gecə baş verib. 22 yaşlı Azərbaycan vətəndaşı sərxoş halda qohumunun avtomobilinin sükanı arxasına keçib və dayanacaqda iki avtomobili vurub. Sonradan məlum olub ki, o, əvvəllər sürücülük hüququndan məhrum edilib.
Gənc oğlan cinayət yerindən qaçmağa çalışsa da, polis özünü yetirib. Miqrant hüquq-mühafizə orqanlarının əməkdaşlarını itələməyə, formasını dartışdırmağa və hədələməyə başlayıb.
Onun barəsində qəza yerindən qaçmağa cəhd və polisə tabe olmamaq faktı ilə bağlı inzibati protokollar tərtib edilib. Daha sonra isə hakimiyyət nümayəndəsinə zorakılıq tətbiq etməklə hədələmə maddəsi ilə cinayət işi açılıb. Onu 5 ilə qədər həbs cəzası gözləyə bilər.
Geri qayıt