Əsas Səhifə > Güney Press > "Azman Holding" Qarabağda 9 milyonluq layihəni
"Azman Holding" Qarabağda 9 milyonluq layihəni16-07-2024, 00:02 |
![]() Ağdam rayonunun Sarıcalı kəndində bərpa, quruculuq və abadlaşdırma işləri sürətlə davam etdirilir. Dia-az.İnfo xəbər verir ki, bu barədə Qarabağ İqtisadi Rayonunda Bərpa, Tikinti və İdarəetmə Xidməti məlumat yayıb. Kənddə tikintisi nəzərdə tutulan qeyri-yaşayış binaları (inzibati bina, klub-icma mərkəzi, məktəb, bağça və Bayraq meydanı) üzrə tikinti-quraşdırma işlərinə başlanılır. Dövlət Xidməti sözügedən işləri "Azman Holding" şirkətinə həvalə edib və müqavilə bağlanacaq. Müqaviləyə əsasən layihənin icrası 9,1 milyon manata başa gələcək. Qeyd edək ki, Böyük Qayıdışa dair I Dövlət Proqramının icrası çərçivəsində Ağdam rayonunun Sarıcalı kəndi yenidən salınır. Bu ilin sonuna qədər Sarıcalı kəndinə 203 ailənin köçürülməsi nəzərdə tutulub. Xatırladaq ki, Ağdam rayonunun Sarıcalı kəndinin təməli 2022-ci ilin oktyabrın 4-də Prezident İlham Əliyev tərəfindən qoyulub. Geri qayıt |