Əsas Səhifə > Güney Press, Üst manşet > Qarabağ qazisinə ŞİKAYƏT QADAĞASI...
Qarabağ qazisinə ŞİKAYƏT QADAĞASI...15-05-2024, 08:43 |
"DSMF-in Xüsusi Şərtlərlə Təyinat Mərkəzi Filialı ( XŞTMF) Bakı İnzibati Məhkəməsinin 7 il qabaq qəbul etdiyi 05.07.2017 tarixli , 2-1(81)- 1889/17 saylı Qərarını 6 ildən sonra 01.04.2023-cü ildən özbaşına, dələduzluqla, mənimsəmə məqsədilə “ləğv edib”, pensiyama bu Qərarla əlavə olunan 110 manatı kəsib. 1 ildir şikayət edirəm, borclu XŞTMF-nin özbaşınalığına nəinki son qoyulur, əksinə Filial bütün dövlət , ədliyyə, məhkəmə, hüquq orqanlarını rüşvətlə satın alıb, ölkədə Konstitusiyanın olmadığına rüşvətlə inandırıb". Dia-az.info bildirir ki, bunu öz gileyində Qarabağ qazisi Məğrur Bədəlsoy ifadə edib. Qazimiz daha sonra başına gələnləri belə nəql edir: "Bakı İnzibati Məhkəməsinin hakimi Günel Sevdimalıyeva 19.06.2023, 14.08.2023, 09.09.2023 tarixli , 2-1(81)-1889/17 saylı TƏLƏBNAMƏ ilə borclu inzibati orqandan 1 BİİM-in 05.07.2017 tarixli, 2-1(81)-1889 saylı Qərarının İCRA VƏZİYYƏTİ və QAYDASI haqqında ətraflı məlumatın QISA MÜDDƏTDƏ məhkəməyə təqdim olunmasını İPM- in 60-cı maddəsini vurğulamaqla TƏLƏB EDİB . Məhkəmə Hüquq Şurasından daxil olan şikayətimə 5 aydan sonra h. G. Sevdimalıyeva 13.10.2023 tarixli məktubla yazıb ki, Bakı İnzibati Məhkəməsinin 2- 1(81)-1889/17 saylı , 15.07.2017 tarixli qərarı CAVABDEH TƏRƏFİNDƏN İCRA EDİLMİŞDİR. Belə özbaşınalıq olar? Tələbkar mənəm və mənə məhkəmə qərarı ilə ayrılan 110 manatın hesablanması 2023-cü ilin 1 aprelindən dayandırılıb. Hakim hansı sənədə, sübuta, qanuna, Konstitusiyaya əsaslanıb , məhkəmə qərarının icra olunduğunu bildirir?! Məhkəmə Konstitusiyanı üstün tutmalıdır, yoxsa borclu inzibati orqanın rüşvətini? G. Sevdimalıyeva hakimdir, yoxsa DSMF-in rüşvət vəkili? Şikayətlərim ali dövlət hakimiyyəti, hüquq orqanlarından Bakı İnzibati Məhkəməsinə göndərilir, di gəl, nəinki Konstitusiyaya sayğısızlığa son qoyulur, əksinə, məhkəmə ( hakimi) özü Konstitusiya ilə təminat verilən məhkəmə təminatı hüququna qadağa qoyur!(?) Məhkəməyə müraciət hüququna kobud qadağaya baxın, hakim Günel Sevdimalıyeva PA-dan, Ədliyyə Nazirliyindən gələn müraciətlərə cavabında ölkədə Konstitusiyanı borclu DSMF-in Xüsusi Şərtlərlə Təyinat Mərkəzinin rüşvətindən aşağıda tutduğunu , məhkəmə qərarını qanunun ləğv etdiyini bildirir və məhkəməyə ünvanlanan növbəti müraciətlərə baxılmayacağını qadağanedici şəkildə nəzərə çatdırır !(??) Məhkəmənin, hakimin tələbkarın icranı tələb etməsinə qadağa qoymaq, ərizəyə baxmayacağını öncədən bildirmək hüquq və vəzifəsi vardır? İnzibati Prosessual Məcəllənin ( İPM) 116-120 maddələrində hakimin xidməti vəzifəsinin nədən ibarət olduğu yazılıb. Dövlət İmtahan Mərkəzinin testindən , Hakimlərin Seçki Komitəsinin sual-cavabından necə və neçəyə keçməyi bilmirik, amma , heç olmasa, hakim görəvinə yiyələnəndən sonra İPM-in xidməti görəvlə bağlı bircə maddəsini oxumaq belə çətindir? Mülki Prosessual Məcəllənin 4.2 maddəsini məhkəməyə müraciətimə baxmaqdan imtina edən məhkəmə hakiminin diqqətinə çatdırıram:” Məhkəməyə müraciət etmək hüququndan imtina edilməsi ETİBARSIZDIR”. Konstitusiya Məhkəməsinə, digər məhkəmələrin vurulan qarşısıalınmaz zərəri bərpa edə bilməməsi , daha düzü, etmək istəməməsi əsası ilə, birbaşa şikayətim əsaslandırılmadığından geri qaytarılıb. Bu da əsas: məhkəmə məhkəməyə müraciətə rəsmi məktubla qadağa qoyub ! Avropa Məhkəməsinə şikayətə baxılması uzun çəkir, bir də hökumət Avropaya “təpik-yumruq atır”, Konstitusiya Məhkəməsi isə bir addımlığımızdadır, məhkəməyə müraciət hüququna “əsaslandırılmış” qadağadan əsaslandırılmış şikayətə baxmaqda çətinlik çəkməz". Geri qayıt |