Əsas Səhifə > Güney Press, Reklam > Füzuli şagirdləri üçün “Nar”dan gözəl hədiyyə
Füzuli şagirdləri üçün “Nar”dan gözəl hədiyyə2-05-2024, 11:18 |
![]() Əsrlər öncə kitab satılmazmış, hədiyyə edilərmiş. Buna səbəb isə, kitabın dəyərli bilik mənbəyi olması imiş. Əsrlər keçib, kitab satılsa da, “Kitab ən gözəl hədiyyədir” yanaşması hələ də aktualdır. Kitab oxuyan, mütaliəni sevən, o dəyəri duyan hər kəs təbii ki, bu fikirlə razılaşır. Hələ Ümumdünya Kitab Günüdürsə, ən gözəl hədiyyə seçimi mütləq ki kitab olmalıdır. “Nar” və Azərbaycan Jurnalistlər Şəbəkəsi də bayram münasibətilə kitab hədiyyələri ilə Füzuli rayonunun Mirzə Uluqbəy adına 1 nömrəli tam orta məktəbinə üz tutdular. İşğaldan azad olunan torpaqlarımızda həyat qaynadığını, təhsil ocağındakı hərəkətli mühiti görmək xoş təəssürat yaratdı. Şagirdlərlə söhbət edə-edə məktəbin kitabxanasına keçdik və hədiyyələr burda onlara təqdim edildi. Onlar böyük həvəslə kitabların rəflərə yığılmasına köməklik etdilər. “Nar”ın İctimaiyyətlə Əlaqələr və Korporativ kommunikasiyalar üzrə mütəxəssisi Anar Məsimov hədiyyələri şagirdlərə təqdim edərkən bildirdi ki, Füzulinin inkişafı üçün onların çox oxumalarına ehtiyac var: “Füzuli şəhərinin azad olunmasından o qədər də uzun müddət keçməyib, amma şəhər dirçəlir. Bununla belə, hələ bu şəhərdə görülməli işlər çoxdur. Bunun üçün güclü olmalıyıq. Ən böyük güc isə bilikdir. Ümid edirik ki, gətirdiyimiz kitabların sizin biliyinizin güclənməsində önəmli rolu olacaq”. ![]() Azərbaycan Jurnalistlər Şəbəkəsinin rəhbəri Ayaz Mirzəyev isə şagirdlərə bildirdi ki, onların hədiyyələri şagirdlərin o kitabları oxuduğunda daha dəyərli olacaq: “Kitab oxunanda dəyər qazanır. Çünki oxuduqca sənə nə isə qatır və sən onun dəyərini o zaman anlayırsan. Bizim hədiyyə o vaxt bizim üçün dəyərli olacaq ki, onları oxuduğunuzu eşidək . Hər yaşa və hər zövqə uyğun kitablar gətirmişik. Qalır seçmək və oxumaq”. ![]() Kitabları rəflərə yerləşdirərkən uşaqların bir-birlərilə müzakirəsindən də hiss olundu ki, hədiyyələri bəyəndilər və kitab oxumağa maraqlıdırlar. Məktəbin direktoru Həcər Mahmudova bildirdi ki, kitab oxumağın önəmini şagirdlərə hər zaman aşılamağa çalışıblar: “Kitab oxumaq ən ucuz və asan səyahət növüdür. Kitab oxuyan insan zənginləşir, müdrikləşir. Kitabda sən daha təcrübəli birinin fikirlərini oxuyursan, düşüncən inkişaf edir. Özün o situasiyaya düşəndə, doğru yolu daha rahat tapa bilirsən. Ona görə kitab oxumaq gələcəyimiz üçün vacibdir. Biz bu vacibliyin səbəblərini uşaqlara çatdırırıq və kitab oxumaları üçün məktəbimizin kitabxanasının daha yaxşı olması üçün çalışırıq. Bizim kitabxanamız bugünkü hədiyyələr sayəsində bir az da zənginləşdi. Dəstək göstərənlər sağ olsunlar. Ümid edirik ki, bu ənənə davamlı olacaq”. ![]() Tədbir bitəndən sonra yenidən kitabxanaya baş çəkdik. Kitabları rəflərə düzəndən sonra uşaqlar kitabxanadan getməmişdilər, yeni kitabları vərəqləyirdilər, seçim etməyə çalışırdılar. 6-cı sinif şagirdi Ayxan Hümbətli deyir ki, kitaboxumağa həvəsi var, ona görə öz zövqünə uyğunkitabları seçib oxumağı sevir: “Anam kitab oxuyandır, o, məndə də həvəs yaradıb. Fantastik janrda kitablarmənə çox maraqlıdır. O tipli kitablar da var. Özzövqümə uyğun olanları seçməyə çalışıram”. Sinif yoldaşı Səma Tanrıverdiyeva isə axtardığıkitabları tapdığı üçün sevinirdi: “Dərsdən əlavə kitaboxumağı çox sevirəm. Əsasən də klassiklərin romanlarımənə çox maraqlıdır. Oxuduqca adam daha çoxoxumaq istəyir. Burda gətirilən kitablara baxdım, içərisində mən oxumağı çox istədiyim kitablarıgördüm, yəqin ki onları ilk özüm oxuyacam”. ![]() ABŞ-da aparılan bir araşdırmaya görə, orta məktəbdə kitab oxuyan uşaqların gələcəkdə zərərli vərdişlərə aludə olmaq ehtimalları azdır. Təbii ki bu, minimum olaraq əldə edilən nəticədir. Maksimum nəticələri isə bir çox uğurlu insanların həyatında görürük. Ümid edirik ki, oxumaq həvəsi bu məktəbin şagirdlərini də çox uğurlu şəxslərdən edəcək. Çünki onlar doğma Füzulilərin, ümumilikdə isə Azərbaycanın gələcəyidir. Geri qayıt |