NIKOIL | Bank-ın komandası 20-ci yubiley reqatasında iştirak edib
31-05-2016, 09:54
NIKOIL | Bank-ın yaxtinq üzrə komandası İdarə Heyətinin Sədri V.V.Xamazanın başçılığı ilə cari ilin 30 aprel -7 may tarixlərini əhatə edən dövrdə Avropada yaxtaçılar üçün ən iri reqatalardan olan “Kabestan-Xorvatiya 2016” 20-ci yubiley reqatasında iştirak etmişdir.
Yubiley reqatasının iştirak edən yaxtaçıların ümumi sayı Azərbaycan, Rusiya, Qazaxıstan, İngiltərə, Almaniya, Fransa, İsrail, Ukrayna, Bolqarıstan və digərləri də daxil olmaqla, 20 ölkədən 300 – dən çox olmuşdur, - ancaq ənənəvi olaraq, üstünlük Rusiyadan olan idmançılara məxsus olmuşdur. 4 divizionda: Beneteau First 45 və First 35, Hanse 445 və ORC Club Rule divizionunda 37 yaxta qeydə alınmışdır.
Qeyd etmək lazımdır ki, adı çəkilən reqata 2007-ci ildən keçirilir və 9 il ərzində bu yarışlarda dünyanın 25 ölkəsindən 3200-dən çox yaxtaçı iştirak etmişdir. Reqatanın formatı – aktiv birgə istirahət elementləri ilə yarışdır. “Kabestan-Xorvatiya 2016” reqatasının rəsmi proqramı çərçivəsində - nişanlar üzrə gündəlik adrenalin yarışları və marşrut, spinaker master-klasslar (usta dərsləri) və ISAF (BYİF)-n beynəlxalq hakimlər tərəfindən yelkənli yarış qaydaları üzrə faydalı seminarlar keçirilmişdir.
Yarışın sonuncu mərhələsində NIKOIL | Bank-ın komandası 3-cü yeri tutmuşdur. Həmçinin qeyd etmək istəyirik ki, reqatanın iştirakçıları arasında 5 idman ustası, 1 Avropa çempionu və 1 Moskva çempionu var idi.
Aktiv və sağlam həyata tərzi bu gün milli və xarici valyutalarda həyata keçirilən hesablaşma, kredit, ödəniş, kart, zəmanət, banklararası, sənədli və digər əməliyyatları özündə ehtiva edən tam xidmətlər paketini təklif edən universal maliyyə-kredit təşkilatı olan NIKOIL | Bank-ın komandasının gücünün, vəhdətinin və həmrəyliyinin ən mühüm simvollarından biridir. Bankın filial şəbəkəsi həm Bakı şəhərində, həm də Azərbaycanın regionlarında yerləşən 21 satış nöqtəsinə malikdir. Bankın bütün məhsulları, aksiyaları və xüsusi təklifləri haqqında məlumatı (012) 981 qısa nömrəsinə zəng vurmaqla və ya www.nikoil.az rəsmi saytında əldə etmək mümkündür.
Geri qayıt