![Azərbaycan Ordusunun Baş Qərargah rəisi Qazaxıstanda səfərdədir Azərbaycan Ordusunun Baş Qərargah rəisi Qazaxıstanda səfərdədir](https://dia-az.info/uploads/posts/2024-08/thumbs/1724388572_0001.jpg)
Avqustun 23-də müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyevin Qazaxıstana səfəri başlayıb. Bu barədə Dia-az.İnfo-ya MN-dən xəbər verilib.
Səfər çərçivəsində Azərbaycan Ordusunun hərbi qulluqçularının iştirak etdiyi "Altın Kıran - 2024" ("Qızıl Qartal - 2024") birgə taktiki-xüsusi təliminin taktiki epizodu izləniləcək, eləcə də ölkələrimiz arasında hərbi, hərbi-texniki və hərbi-təhsil sahələrində əməkdaşlığın inkişaf perspektivləri müzakirə olunacaq.